![журналист Джавид Ширалиев](https://turan.az/resized/750/500/resize/media/2018/main/040200008917.jpg)
журналист Джавид Ширалиев
Jurnalistin anası baş prokurora müraciət edib
Bakı/02.04.18/Turan: 5 il müddətinə azadlıqdan məhrum edilmiş www.7gun.az portalının redaktoru Cavid Şirəliyevin anası Zahirə Şirəliyeva oğlunun işini nəzarəti altına alması və onun azad edilməsinə yardım etməsi xahişi ilə baş prokuror Zakir Qaralova müraciət edib.
Cavid Şirəliyev 22 may 2016-cı il tarixində Gəncə Ağır Cinayətlər Məhkəməsi tərəfindən hədələmə yolu ilə rüşvət tələb etmək (CM-in 182.2.1-ci və 182.2.4-cü maddələri) ittihamı ilə mühakimə olunub.
Şirəliyev 30 avqust 2014-cü il tarixində DİN əməkdaşları tərəfindən saxlanılıb və Mütəşəkkil Cinayətkarlığa qarşı Mübarizə Baş İdarəsinə (MCMBİ) aparılıb.
Jurnalistin anası hesab edir ki, oğlunu hüquq-mühafizə orqanları ilə gizli əməkdaşlıq edən Xankişiyeva Şəfiqə İsmayıl qızının şikayəti əsasında uydurma ittihamla həbs edilib.
Ana qeyd edir ki, 2017-ci ilin avqustunda Ali Məhkəmə hökmü ləğv edib və işi Apellyasiya Məhkəməsinə qaytarıb. Amma Gəncə Apellyasiya Məhkəməsi artıq 7 aydır əsassız olaraq işə baxılmasını uzadır.
"Dövlət ittihamçısı qərəzli olaraq iclasın təxirə salınması təklifi ilə çıxış edir, oğlumun həbsdə saxlanılmasını əsassız olaraq uzadır", deyə Z.Şirəliyeva yazır.
Sonda o, Qaralovdan işi ciddi nəzarət altına götürməyi və oğlunun azad edilməsinə yardım etməyi xahiş edir. -06D-
-
- Cəmiyyət
- 2 Aprel 2018 15:08
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz