Bakı/03.08.17/Turan: "Gündəm xəbər" qəzetinin müxbiri Məhbub Zülfüqarlının beş ay həbs olunması ilə bağlı İmişli Rayon Məhkəməsinin qərarından apellyasiya şikayəti verilib.
Şikayəti jurnalistin vəkili Azər Rəsul verib. Bu barədə Turan-a M.Zülfüqarlının müdafiə kampaniyasını keçirən hüquq müdafiəçisi Oqtay Gülalıyev məlumat verib.
Xatırladaq ki, jurnalist iyulun 6-da hakim Ülvi Qəmbərov tərəfindən azadlıqdan məhrum edilib. O, M.Zülfüqarovu CM-in 147.1-ci maddəsi (böhtan) ilə təqsirli bilib.
O. Gülalıyev hesab edir ki, jurnalistin həbsi onun tənqidi yazıları ilə əlaqədardır. Jurnalist vəkilsiz mühakimə edilib, son söz söyləməyə belə imkan verilməyib.
Onun ailə üzvləri bildiriblər ki, M.Zülfüqarlı İmişli rayonunda baş verən qanunsuzluqlar barədə birinci vitse-prezident Mehriban Əliyevaya məktub yazdıqdan sonra həbs edilib. -0-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz