Bakı/04.09.19/Turan: Azərbaycan prezidentinin sərəncamı ilə jurnalistlərə bağışlanmış mənzilləri heç kim onların əlindən ala bilməz, bu barədə çərşənbə günü KİV-in İnkişafına Dövlət Dəstəyi Fondunun icraçı direktoru Vüqar Səfərli "Jurnalistlər Evi"nin sakinlərinin sosial şəbəkədə qəzəbli statuslar paylaşmasından sonra bəyan edib.
"Jurnalistlər Evi"nin sakinləri Səfərlini Fondun onların mənzilləri özəlləşdirməsinə imkan verməməsində ittiham ediblər. Səfərlinin jurnalistlərin "Jurnalistlər Evi"ndə kirayənişin adlandırması da onların narazılığına səbəb olub.
Bir müddət əvvəl "Qafqazinfo" saytına müsahibəsində Səfərli Evin dövlətə məxsus olduğunu, oradakı mənzillərin isə xidməti mənzil olduğunu bildirib. Ev dövlət orqanında qeydiyyatdan keçənə qədər dövlətin əmlakıdır. Fond belə bir evdə mənzilləri jurnalistlərə hədiyyə edə bilməz, deyə Səfərli açıqlama verib.
Evin sakinlərindən biri yazıb ki, onlardan piar üçün istifadə ediblər, indi isə məlum olur ki, onlar evdə kirayənişin kimi yaşayırlar. O, həmkar qonşularını hədiyyə edilmiş mənzillərin özəlləşdirilməsində onlara yardım etməsi xahişi ilə prezidentə müraciət etməyə çağırıb. Daha sonra müəllif öz müraciətini silib, amma digər istifadəçilər statusun skrinşotunu götürüblər.
Jurnalistlər ölkə prezidenti İ.Əliyevin 2017-ci ili iyulun 20-də ikinci Jurnalistlər Evinin açılışında çıxışını xatırladıblar. O, bu çıxışında bu evdəki 255 mənzilin jurnalistlərə hədiyyə olduğunu bildirib. Amma 2017-ci ildən etibarən bu evin sakinləri mənzilləri özəlləşdirə bilmirlər.
Birinci Jurnalistlər Evi 2013-cü ildə təhvil verilib, binada 156 mənzil var. Tikilən üçüncü evdə 255 mənzil var.
İkinci Jurnalistlər Evinin adının açıqlanmasını istəməyən bir sakini Turan-a bildirib ki, birinci evin sakinləri mənzilləri özəlləşdiriblər. Bəziləri sonradan bu mənzilləri satıb. İkinci evdə mənzillərin özəlləşdirilməsi proesi naməlum səbəblərdən gecikir.
Bəzi məlumatlara görə, jurnalistlərə "hədiyyə edilmiş" hər iki evin sakinlərinin bir hissəsi KİV əməkdaşı deyil və ya mənzilə ehtiyacı yox idi.
Öz növbəsində, Dövlət Əmlak Məsələləri Komitəsinin ictimaiyyətlə əlaqələr şöbəsinin rəhbəri Qulu Xəlilov bildirib ki, bu evdə mənzillərin özəlləşdirilməsinə onların sənədlərinin olmaması mane olur. KİV-in İnkişafına Dövlət Dəstəyi Fondu bu sənədləri Dövlət Komitəsinə vermir. Komitə tərəfindən özəlləşdirməyə maneə yoxdur, deyə Xəlilov bildirib. -0-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz