Jurnalistlər interneti kəsməmək tələb etdi

Bakı/30.10.19/Turan: Oktyabrın 30-da bir qrup jurnalist və bloger Nəqliyyat, Rabitə və Yüksək Texnologiyalar Nazirliyin qarşısında aksiya keçirməyə cəhd etdi. 

Aksiya iştirakçılar Nazirlikdən kütləvi aksiyalar zamanı internetin surətini aşağı salmamaq, mobil rabitəni kəsməmək tələb etdilər. "Kütləvi informasiya vasitələrin nümayəndələri aksiyalar zamanı öz peşə fəaliyyətini yerinə yetirə bilmirlər, insanlara məlumatı çatdıra bilmirlər. Çünki kütləvi aksiyalar zamanı şəhərdə həm mobil, həm də stasionar internet kəsilir, ya da sürəti hədsiz çox azalır. Düşünürük ki, bu, Nazirliyin iştirakı ilə edilir. Ona görə, etirazımızı bildirməyə gəlmişik. Bundan sonra aksiyalar zamanı internet kəsilsə, ya da sürəti azaldılsa, biz yenə də burada aksiya edəcəyik", - deyə aksiya təşkikatçıları bildirib. 

Aksiya iştirakçıları "Azad media susdurula bilməz" şuarları səsləndiriblər. 

Aksiyaçılar Nazirliyin inzibati binasının qarşısında bəyanatı oxumaq cəhd ediblər, lakin hadisə yerinə cəlb edilmiş polis güvvələri buna imkan verməyib. Bəyanatı nazirliyin nümayəndəsinə çatdırmaq isə imkan yaradıldı. 

Oktyabrın 19-da Bakıda keçirilən mitinq zamanı internetin kəsilməsi məsələsi ABŞ-ın bəyanatında qeyd olundu. Bəyanatda deyilirdi ki, etiraz aksiyaları zamanı internetdən istifadə imkanlarını məhdudlaşdırmaq Azərbaycanın maraqlarını qorumur əksinə Azərbaycanın imkanlarını məhdudlaşdırır.-0-