Açiq mənbələrdən foto.
Bakı/08.12.20/Turan: Azərbaycanda xüsusi karantin rejimi 31 yanvar 2021-ci il səhər saat 6-dək uzadılıb, 14 dekabr səhər saat 6-dan isə SMS-icazə sistemi yenidən tətbiq olunacaq. Bu barədə dekabrın 8-də Nazirlər Kabineti yanında Operativ Qərargah bildirib. Rejimin sərtləşdirilməsi koronavirusa yoluxmanın kəskin artması ilə bağlıdır.
Həmçinin Nazirlər Kabinetinin qərarı ilə müəyyən edilənlərdən başqa, 14 dekabrdan 18 yanvar 2021-ci ilədək Azərbaycan ərazisində bütün sahələrdə iş və xidmətlərin göstərilməsi dayandırılır.
Ticarət və iaşə obyektlərinə, o cümlədən restoranlar, kafelər və çay evlərinə yalnız çatdırılma və onlayn satış xidmətlərinin göstərilməsinə icazə verilir.
Dekabrın 14-dən yanvarın 18-dək operativ xüsusi təyinatlı nəqliyyat vasitələri və yük daşımaları ilə məşğul olan avtomobillərdən başqa digər nəqliyyatın Bakıya giriş-çıxışı dayandırılır.
Həmçinin Sumqayıt, Gəncə, Mingəçevir, Şirvan və Abşeron rayonlarına, eləcə də Lənkəran, Masallı, Cəlilabad, Şəki, Zaqatala, Quba, Xaçmaz, Yevlax, Bərdə, Biləsuvar Və İsmayıllı (kənd və qəsəbələr istisna olmaqla) rayon mərkəzlərinə giriş-çıxış dayandırılır. -02D
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz