Karantin zamanı toyların keçirilməsi qaydalarını pozan şadlıq saraylarının sahibləri cəzalandırılıblar
Bakı/12.07.21/Turan: Daxili İşlər Nazirliyi, Dövlət Vergi Xidməti və Qida Təhlükəsizliyi Agentliyi əməkdaşlarının Bakıda və Azərbaycanın digər şəhərlərində keçirdikləri birgə reydlər zamanı karantin şəraitində toyların keçirilməsi üçün Nazirlər Kabineti yanında Operativ Qərargahın müəyyən etdiyi qaydaların pozulması aşkarlanıb.
Daxili İşlər Nazirliyinin məlumatında deyilir ki, icazə verilən qonaqların sayının (150 nəfər) çox olduğu aşkarlanıb, bəzi iştirakçıların isə vaksinasiyanı təsdiq edən sənədləri olmayıb. Bundan əlavə, toyların saat 24:00-dan sonra davam etməsi halları olub.
Son 3 gündə 300 şadlıq evində yoxlama aparılıb. Onlardan 12-də ("Gülüstan", "Golden Baku", "Billur", "Kral", "Aura", "SS Hall", "Ərzurum", "Neon Palace", "Kleopatra", "Sevən ürəklər", "Xan bağı", "Şuşa") karantin rejiminin tələblərinin pozulması aşkarlanıb.
Hər fakt üzrə Cinayət Məcəlləsinin 139-1-ci maddəsilə cinayət işi başlanılıb, təqsirkarlar saxlanılıb
4 şadlıq sarayında və bir restoranda ("Yeganə", "Amor", "İdeal", "Retro", "Səda") aşkar edilmiş pozuntularla əlaqədar İnzibati Xətalar Məcəlləsinin 211-ci maddəsilə inzibati icraat başlanılıb.
İki şadlıq sarayının sahiblərinin barəsində cinayət işi açılıb, 12 obyektin mülkiyyətçiləri şübhəli şəxs qismində saxlanılıb, 21 müəssisənin rəhbərləri inzibati cərimələrə məruz qalıblar.
Vaksinasiya haqqında sənədləri olmayan 423 nəfər şənliklərəburaxılmayıb. Analoji reydlər ölkənin rayonlarında da keçirilir. –16D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz