Keçmiş hərbi kəşfiyyatçı Aqil Əhmədov Turan agentliyi vasitəsilə gələcək müalicəsi üçün dəstək xahişi ilə Azərbaycan ictimaiyyətinə müraciət edib.
O, 1997-ci ildə hərbi kəşfiyyatçılar qrupunun tərkibində döyüş tapşırığını yerinə yetirmək üçün düşmənin arxa cəbhəsinə göndərilib. Ermənilər qrupu seziblər və onları sağ ələ keçirməyə çalışıblar. Sonuncu gülləyə qədər özünü qorumağa çalışan qrup əsir düşməmək üçün özünü partlatmağı qərara alıb. Həmin vaxt ağır yaralanan Aqil artıq huşunu itirmişdi.
Əsirlikdə Aqil əməliyyat olunub, lakin yaraları çox ciddi idi, daxili orqanlar isə xeyli xəsarət görmüşdü. Nəticədə o, əlil qalıb.
Ötən 17 ildə Aqilin vəziyyəti getdikcə pisləşir və o, xaricdə ciddi əməliyyat keçirməlidir. Bunun üçün keçmiş kəşfiyyatçıya böyük maddi dəstək lazımdır və o, həmyerlilərindən kömək istəyir.
Turan agentliyi vəsait toplanmasında döyüşçüyə yardım edəcək və köməklik göstərməyə hazır olanlara zəruri addımlar haqqında məlumat verəcək. -02В-
Cəmiyyət
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
Rəy yaz