Mətbuat-Monitorinq 28.02.14

Rəsmi qəzetlər dövlət başçısı İlham Əliyevin sərəncam və təbriklərinin mətnlərini dərc ediblər.  
   
“Azadlıq” qəzeti Avropa Parlamentinin qanunsuz yolla əldə edilən vəsaitlərin müsadirə olunmasını tənzimləyən qaydalar qəbul etməsini  “korrupsionerlərə öldürücü zərbə” adlandıraraq ilk səhifəyə çıxarıb. .
AXCP sədri Əli Kərmilinin mühafizəçisinin 20, AXCP Cəlilabad rayon təşkilatı sədrinin 15 sutka inzibati cəza almasını, daha iki gənc cəbhəçinin saxlanmasını yazan qəzet bunu AXCP-yə qarşı “total polis əməliyyatı” kimi dəyərləndirir. AXCP sədri Əli Kərimli ölkə iqtidarının hər hansı şəkildə güclənmədiyini, əksinə yekəxanalığının, xalqı saymazlığının  artdığını bəyan edib.      
    
“Zerkalo” Ukrayna hadisələrinin fonunda rəsmi Kremlin Krım iddiasını və RF-dən buna müqavimətsizliyi “rus dövləti, elitasının Putinin siyasi ambisiyalarının əsirliyində olması” sayaraq önə çəkiblər.
    
“Ekspress”.  Güney Azərbaycanın paytaxtı Təbrizdə futbol matçı zamanı “Xocalı faciəsi”ni ananlar döyülərək həbsə alınıblar.
       
“Novoe Vremya” ABŞ-ın keçmiş müdafiə naziri Robert Geytsin Azərbaycanda demokratiyanın ABŞ-ı düşündürməməsi etirafını ilk səhifəyə çıxarıb.

“Bizim yol” yazır ki, Nardaran sakinləri Xəzər sahillərini hasarlayanları Bakı kəndlərində bütün təsərrüfatları məhv etməkdə suçlayıblar.
      
“Yeni Müsavat”  Bakı metropoliteninin rəisi  Tağı Əhmədovun işdən azad olunmasına səbəb kimi gizli “Oğuz” qruplaşmasının üzvü olmasını göstərir.
Azərbaycanda “nurçuluq”un inkişafından narahat olan rəsmi Ankara bu qurumda səlahiyyət sahibi olan gənc kadrların cəmləşdiyini bildirir.
Ekspertlər Azərbaycanın Avrasiya İttifaqına qoşulması üçün Rusiyanın “Qarabağ vasitəsilə”  təzyiqlərə başlayacağı barədə proqnozlar veriblər.