Photo TURAN.
Bakı/26.04.21/Turan: Bazar ertəsi keçmiş “Sovetski” adlanan ərazinin sakinləri Prezident Administrasiyası qarşısında növbəti aksiyalarını keçirməyə çalışıblar. Onlar yenə mənzillərin sökülməsinə görə verilən təzminatın az olmasından narazılıq ediblər və problemlərinin hökumətyönlü REAL TV telekanalında işıqlandırılmasına qəzəbləniblər.
Polis əməkdaşları etirazçıları avtobuslara mindirib və Yasamal rayon İcra Hakimiyyətinə göndərib.
Yasamal rayon İcra Hakimiyyətində etirazçıların 4 nümayəndəsini qəbul ediblər. Danışıqların nəticəsi naməlum qalıb.
* “Sovetski”də söküntülər 2014-cü ildə başlayıb. 26 hektarlıq ərazidə 4500-ə yaxın yaşayış və qeyri-yaşayış obyekti sökülüb. İkinci mərhələdə 13 hektarlıq ərazidə daha 1920 ev sökülüb.
Hər iki mərhələdə mənzilin hər kvadrat metri üçün təklif edilən 1500 manat ölçüsündə təzminatla razılaşmayan mülkiyyətçilər olub. Onlar vaxtaşırı etiraz aksiyaları keçirirlər.
Bəziləri hətta Avropa İnsan Hüquqları Məhkəməsinə müraciət ediblər.
Bu ərazidə söküntülər davam edir. -30C06-
Cəmiyyət
-
Yanvarın 23-də Bakıda hava tutqun olacaq. Axşam və səhər bəzi yerlərdə yağış yağacaq.
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
-
Yanvarın 14-də saat 12:30-da Dövlət Sərhəd Xidmətinin Sərhəd Qoşunları Komandanlığının "Horadiz" sərhəd dəstəsinin xidməti ərazisində ümumi çəkisi 37 kiloqram 396 qram narkotik vasitənin - marixuananın qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
Rəy yaz