Elman Fəttah: “Bu mövzu qapanmayacaq”

Bakı/26.04.21/Turan: “ABŞ prezidenti Co Baydenin 1915-ci ildə Osmanlı imperiyasında baş vermiş  hadisələri bu günlərdəki çıxışnda “erməni soyqırımı” adlandırmasına etirazlar Türkiyədə daha çox antiamerika mahiyyətindən qaynalqanırsa, Azərbaycanda daha çox “Türkiyəyə dəstək” mahiyyəti daşıyır”. Beynəxalq ekspert Elman Fəttah bunu “Turan”-ın “Çətin Sual” proqramının “Co Bayden “erməni genosidi” dedi, Nə dəyişəcək?” mövzusuna dair buraxılışında bildirib.

O, deyir ki, 1915-ci ildə erməni yaraqılılarının silahsız türk kəndlərinə  hücumlarını, Osmanlı imperiyası əleyhinə xəyanətini önləmək üçün imperiyanın dərinliklərinə köçürülməsinə qərar verildi və erməni tərəf bu köçürülümə zamanı baş vermiş itkiləri “soyqırım” kimi dəyərləndirdi.

Fəttah hesab edir ki, indki halda ABŞ prezidenti C.Baydenin “erməni soyqırım” ifadəsi işlətməsi daha çox siyasi məzmun daşıyır və Qərb tərəfdən Türkiyəyə təzyiqdir.

Ekspertə görə, Türkiyənin Rusiya ilə əlaqələr qurması, hərbi arsenalına Rusiya silahları qəbul etməsi münasibətləri indiki nəticəyə gətirdi. Amma E.Fəttah bunu da deyir ki,əslində bu addımı ilə ABŞ Şərqdə Türkiyə kimi tərəfdaşını itirdi. Eyni zamanda bu addım heç də Ermənistanın xeyirnə yox, zərərinə işlədi.   

Fəttah hesab edir ki, bundan sonra bu mövzu qapanmayacaq, əksinə ikitərəfli, çoxtərəfli münasibətlər kontekstində daim müzakirə mövzusu olacaq.

Onun deməsinə görə, bununla ermənilər Türkiyədən “erməni soqırımı”nı tanımasını, təzminat və torpaq verməsini gözləyirlər.

Ekspert hesab edir ki, Türkiyə bundan sonra daha da güclənəcək, regional gücə dönə biləcək.

Azərbaycanın bu məsələyə münasibət ifadə etməsinə gəlinçə, Elman Fəttah hesab edir ki, mövqe ifadə etmək Azərbaycanın Türkiyəyə vəfa borcu idi və borcu yerinə yetridi.

Ekspert həm də hesab edir ki, bu addım Türkiyə-Ermənistan münasibətlərinə xeyirli olmadı, bundan sonra da ola biləcəyini düşünmür.

“Düz olan budur ki, ABŞ Ermənistanın əlinə “erməni soyqırımı” kimi tutarlı “arqument” verdi. Amma bunun nəticəsi nə olacaq hələ ki bəlli deyil. Bunu zaman göstərər”, deyə Elman Fəttah bildirib.-05B-