Açiq mənbələrdən foto.
Bakı/26.04.21/Turan: Azərbaycan Dövlət Neft Şirkəti (SOCAR) Yunanıstanın Okeanis Eko Tankers (OET) şirkətindən 120 milyon dollara 6 il əvvəl tikilmiş 3 tanker (“Nissos Therassia”, “Nissos Heraclea” и “Nissos Schinousa”) alır.
Dövlət Neft Şirkəti bu sövdələşməni apreldə Avropada tanker qiymətlərinin son on ilin maksimum həddinə çatmasına baxmayaraq imzalayıb.
Dedveyti 115 min ton, uzunluğu 252 m və eni 45 m olan bu gəmilər 2021-ci ilin üçüncü rübündə Dövlət Neft Şirkətinə veriləcək və onlara İkinci Qarabağ müharibəsinin bəzi qəhrəmanlarının adı veriləcək.
Beləliklə, Dövlət Neft Şirkətinin tanker donanması 40 gəmini aşacaq.
Dövlət şirkətinin balansında maye yüklərin dünya okeanında daşınması üçün Suezmaks və Aframaks sinfinə aid tankerlər var.
2020-ci ilin yazında Azərbaycanda yeni gəmiqayırma zavodunda istehsal edilmiş, dedveyti 7875 ton, uzunluğu 141 ton və eni 17 metrə qədər olan “Laçın” tankeri suya buraxılıb. Bu gəmi Qara Dəniz və Aralıq Dənizi regionunda dövlət neft şirkətinin yüklərinin nəqlinə cəlb edilib. -0-
Enerji
-
Türkiyə və bir sıra Avropa ölkələri yenidən Şahdəniz Alfa platformasından qaz almağa başlayıb. Xəzər dənizində yerləşən Şahdəniz yatağının operatoru 6-18 yanvar tarixlərindəki fors-major vəziyyətinə səbəb olan problemləri həll etdikdən sonra bu hasilat platformasında işləri bərpa edib.
-
17 yanvar tarixində iranlı həmkarı Məsud Pezeşkiyan ilə apardığı danışıqlardan sonra keçirilən mətbuat konfransında Rusiya Prezidenti Vladimir Putin iki ölkə arasında qaz kəmərinin tikintisi layihəsinin işə salındığını təsdiqlədi. Onun sözlərinə görə, ilkin tədarük həcmi 2 milyard kubmetrə çata bilər, lakin sonrakı mərhələdə bu həcmin illik 55 milyard kubmetrə qədər artırılması planlaşdırılır.
-
2024-cü ilin yanvar-noyabr aylarında Azərbaycanın elektrik enerjisi istehsalı 23,55 milyard kVt/s təşkil edib ki, bu da ötən ilin eyni dövrü ilə müqayisədə 2,2% azdır. İstilik elektrik stansiyaları 20,26 milyard kVt/s elektrik enerjisi istehsal edib ki, bu da ötən ilin eyni dövrü ilə müqayisədə 2,13 milyard kVt/s (9,5%) azdır, deyə Azərbaycanın Dövlət Statistika Komitəsi məlumat yayıb. Eyni zamanda, məişət tullantılarından 182,8 milyon kVt/s elektrik enerjisi istehsal olunub (5,8% artım).
-
Keçən il Dubayda keçirilmiş qlobal iqlim sammitində razılaşdırılan əsas bərpa olunan enerji hədəflərinə nail olmaq, dünya növbəti altı il ərzində $30 trilyondan çox sərmayə yatırmasa, əlçatmaz bir xəyala çevriləcək.
Rəy yaz