Qazaxıstanın “Kazmunaigas” (KMG) dövlət şirkəti “Kaşaqan” yatağından hasil edilən neftin ilk partiyasını Bakı-Tbilisi-Ceyhan (BTC) neft kəməri ilə ixrac üçün Bakıya göndərib. Bu barədə şirkətin mətbuat xidməti məlumat yayıb.
“Kaşaqan nefti daşıyan Qazaxıstanın “Taraz” tankeri Aktau limanından Bakıya yola düşüb. Bu Qazaxıstan prezidenti Kasım-Jomart Tokayevin yerli karbohidrogenlərin ixracı üçün alternativ istiqamətlərin işlənib hazırlanması haqqında sərəncamının icrası çərçivəsində həyata keçirilir”, - məlumatda deyilir.
Bundan sonra neft BTC neft kəməri ilə Aralıq dənizinə nəql olunacaq.
“Bu addım Transxəzər beynəlxalq nəqliyyat marşrutunun gələcək inkişafına töhfə verir”, - şirkət qeyd edir.
2022-ci ildə Qazaxıstan neftinin Azərbaycan ərazisindən tranziti haqqında saziş imzalanıb. 2023-cü ilin mart ayında “Kaşaqan” yatağından Azərbaycan ərazisi ilə 7 min ton nefti göndərilib. 2024-cü ildə 1,5 milyon ton Qazaxıstan nefti dünya Azərbaycan ərazisindən bazarlarına çıxarılıb.
2024-cü ilin martında tərəflər Azərbaycan ərazisindən neft tranzitinin mərhələli şəkildə artırılması və ildə 2,2 milyon tona çatdırılması haqqında saziş imzalayıblar.
Enerji
-
Türkiyə və bir sıra Avropa ölkələri yenidən Şahdəniz Alfa platformasından qaz almağa başlayıb. Xəzər dənizində yerləşən Şahdəniz yatağının operatoru 6-18 yanvar tarixlərindəki fors-major vəziyyətinə səbəb olan problemləri həll etdikdən sonra bu hasilat platformasında işləri bərpa edib.
-
17 yanvar tarixində iranlı həmkarı Məsud Pezeşkiyan ilə apardığı danışıqlardan sonra keçirilən mətbuat konfransında Rusiya Prezidenti Vladimir Putin iki ölkə arasında qaz kəmərinin tikintisi layihəsinin işə salındığını təsdiqlədi. Onun sözlərinə görə, ilkin tədarük həcmi 2 milyard kubmetrə çata bilər, lakin sonrakı mərhələdə bu həcmin illik 55 milyard kubmetrə qədər artırılması planlaşdırılır.
-
2024-cü ilin yanvar-noyabr aylarında Azərbaycanın elektrik enerjisi istehsalı 23,55 milyard kVt/s təşkil edib ki, bu da ötən ilin eyni dövrü ilə müqayisədə 2,2% azdır. İstilik elektrik stansiyaları 20,26 milyard kVt/s elektrik enerjisi istehsal edib ki, bu da ötən ilin eyni dövrü ilə müqayisədə 2,13 milyard kVt/s (9,5%) azdır, deyə Azərbaycanın Dövlət Statistika Komitəsi məlumat yayıb. Eyni zamanda, məişət tullantılarından 182,8 milyon kVt/s elektrik enerjisi istehsal olunub (5,8% artım).
-
Keçən il Dubayda keçirilmiş qlobal iqlim sammitində razılaşdırılan əsas bərpa olunan enerji hədəflərinə nail olmaq, dünya növbəti altı il ərzində $30 trilyondan çox sərmayə yatırmasa, əlçatmaz bir xəyala çevriləcək.
Rəy yaz