Bakı/24.09.19/Turan: Azərbaycanda Tələbə Qəbulu üzrə Dövlət Komissiyasının ilk sədri Vurğun Əyyub ötən gün vəfat edib. Bu barədə onun ailəsi bildirib.
V.Əyyub Azərbaycanda ali məktəblərə test üsulu ilə qəbulun tətbiqinin təşəbbüsçüsü olub. Bu, Əbülfəz Elçibəy hökumətnin ən mühüm nailiyyətlərindən biridir, belə ki, ali məktəblərə qəbul zamanı rüşvətxorluğa son qoyub.
V.Əyyub 1957-ci ildə Tovuz rayonunun Aşağı Quşçu kəndində anadan olub. 1973-cü ildə Azərbaycan Pedaqoji Universitetinin filologiya fakültəsini bitirib. Sabirabad və Tovuz rayonlarında müəllim işləyib, sonradan həmin ail məktəbdə dərs deyib. 1988-ci ildə filologiya elmləri namizədi üzrə dissertasiya müdafiə edib.
"Çənlibel" cəmiyyətinin fəal iştirakçılarından biri olub, milli hərəkatda fəal iştirak edib. 1988-ci il noyabrın 17-də başlamış "Meydan" hərəkatının - Azərbaycanın müstəqilliyi tələbilə keçirilən fasiləsiz mitinqlərin liderlərindən biri olub. V.Eyyub 1989-cu ildə Azərbaycan Xalq Cəbhəsinin yaradılmasında mühüm rol oynayıb.
1992-93-cü illərdə TQDK-ya rəhbərlik edib. Sonralar Müsavat Partiyasının baş katibi və sədrin birinci müavini olub. Partiyanın 8-ci qurultayında Müsavat Partiyası rəhbərliyindən gedib.
V.Əyyub ilə vida mərasimi bu gün saat 16:00-dək Bakının Xətai rayonu, İlqar Zülfüqarov küçəsi, 29/42 ünvanında olacaq.-06D--
Cəmiyyət
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
Rəy yaz