Bakı/25.04.20/Turan: Azərbaycanda koronavirusa yoluxanların yarısından çoxu Bakıdadır. Bu barədə dünənki mətbuat konfransında Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı bildirib.
Belə ki, koronavirusa yoluxan şəxslərin 52,1%-i Bakı üzrə qeydə alınıb. Bakının rayonlarında xəstəliyə yoluxanların statistikası aşağıdakı kimidir: Yasamal rayonu - 22,43%, Sabunçu rayonu - 12,2%, Nəsimi rayonu - 11,15%, Binəqədi rayonu - 11,37%, Nizami rayonu - 5,11%, Xətai rayonu 5,31%, Nərimanov rayonu 6,27%, Suraxanı rayonu - 5,11%, Xəzər rayonu - 4,53%, Qaradağ rayonu - 3,02%, Səbail rayonu - 2,3%, Pirallahı rayonu - 4,53%.
Yoluxma hallarında xarici vətəndaşların sayı 13,16%, Aran zonasında 6,88%, Lənkəranda 8,28%, Abşeronda 5,54%, Gəncə- Qazax zonasında 7,62%, Quba-Xaçmazda 2,4%, Qarabağ zonası 1,07%, Şəki- Zaqatalada 1,27%, Dağlıq Şirvanda 1,4%, Naxçıvanda 0,27% təşkil edib.
Virusa yoluxanların yaş strukturuna gəlincə, bu şəxslərin 5%-i 0-9 yaş arası uşaqlar, 6%-i 10-19, 14%-i 20-29, 18%-i 30-39, 16%-i 40-49, 22%-i 50-59, 13%-i 60-69, 4%-i 70-79, 2%-i isə 80 yaşdan yuxarı olan şəxslərdir. 40-49 yaş arasında 1 nəfər, 50-59 yaş arası 8 nəfər, 70-79 yaş arası 3 nəfər, 80 yaşdan yuxarı isə 4 nəfər vəfat edib.
Bayramlının sözlərinə görə, xəstəliyə yoluxanların 64%-i sağalıb.
Öz növbəsində, səhiyyə nazirinin müavini Viktor Qasımov bildirib ki, ölkə ərazisinin 25%-də risk ocaqları ləğv edilib. Hazırda 12 rayonda xəstəliyə yoluxma halı yoxdur.
3 mindən çox insan karantindədir.
Aprelin 24-nə olan məlumata görə, hazırkı dövrədək ölkədə 1592 nəfərin koronavirus infeksiyasına yoluxması faktı müəyyən edilib, onlardan 1013 nəfər müalicə olunaraq sağalıb, 21 nəfər vəfat edib, 558 nəfərin xüsusi rejimli xəstəxanalarda müalicəsi davam etdirilir. Həmin şəxslərdən 16 nəfərin vəziyyəti ağır, 23 nəfərin vəziyyəti orta ağır qiymətləndirilir, digərlərinin səhhəti stabildir.
Ötən müddət ərzində yeni yoluxma hallarının müəyyənləşdirilməsi ilə əlaqədar 114.410 test aparılıb. -06B-
Cəmiyyət
-
Son zamanlar Azərbaycanda plastik əməliyyatları həyata keçirən bəzi həkimlərin buna səlahiyyətlərinin olmaması ilə bağlı məsələlər geniş müzakirə olunur. Ayrı-ayrı məlumatlara görə, bu sahədə bir sıra həkimlərin heç müvafiq diplomu belə yoxdur. Həmin məlumatlarda iddia edilir ki, saxta həkim diplomları ilə fəaliyyət göstərən bəzi şəxslər müxtəlif klinikalarda çalışır.
-
Elon Mask, texnologiya milyarderi və X (əvvəlki adıyla Twitter) platformasının sahibi, dövlət rəsmilərinin mental hazırlığı ilə bağlı debatları yenidən gündəmə gətirərək vəzifə sahibləri üçün zəka testlərinin keçirilməsini təklif edib. Musk-ın bu təklifi, 81 yaşlı ABŞ konqresmeni Key Qrencerin küçədə azaraq sonradan demensiya xəstələri üçün nəzərdə tutulmuş qocalar evinə yerləşdirilməsindən sonra irəli sürülüb.
-
Dekabrın 22-də "Keşlə bazar"ında fəaliyyət göstərən satıcılar etiraz aksiyası keçiriblər. Onlar yanvarın 1-dən bazarın bağlanmasına etiraz ediblər.
-
Dekabrın 24-də paytaxtda yağıntı gözlənilmir. Səhər və axşam bəzi yerlərdə duman olacaq. Cənub-qərb küləyi əsəcək, axşam şimal-qərb küləyinə keçəcək.
Rəy yaz