KOVİD-19-a yoluxma hallarının sutkalıq artımı davam edir

Bakı/12.08.21/Turan: Azərbaycanda son sutka ərzində koronavirus  infeksiyasına 2 674 yeni yoluxma faktı qeydə alınıb, 576 nəfər müalicə olunaraq sağalıb, 14 nəfər vəfat edib, bu barədə avqustun 12-də Nazirlər Kabineti yanında Operativ Qərərgah məlumat yayıb. Bu, bir gün əvvəlkində təxminən 300 hal çoxdur.

Pandemiya başlayandan Azərbaycanda ümumilikdə 359 732 nəfərin koronavirus infeksiyasına yoluxması faktı müəyyən edilib, onlardan 337 021 nəfər müalicə olunaraq sağalıb, 5 109 nəfər vəfat edib, aktiv xəstə sayı 17602 nəfərdir.

Son sutka ərzində yeni yoluxma hallarının müəyyənləşdirilməsi üçün 16 575 test aparılıb.

Həmçinin, son sutka ərzində Azərbaycanda 64 280 nəfər koronavirusa qarşı peyvənd edilib. Eyni zamanda, peyvəndin ilk dozasını alanların sayı 43 943, ikincisi isə 20 337 nəfər təşkil edir.

Ölkədə istifadə edilən vaksin dozalarının ümumi sayı 5,607,591 nəfər təşkil edir. Preparatın ilk dozası 3 287 430 nəfərə, hər ikisi dozası 2 320 161 nəfərə vurulub.—06D-