Bakı/12.06.18/Turan: İyunun 12-də büdcə təşkilatlarında çalışmış bir qrup məcburi köçkün Prezident Administrasiyasının qarşısında aksiya keçirib. Aksiya iştirakçıları 2107-ci ilin yanvarından dondurulmuş əmək haqlarının bərpasını və ya işlə təmin edilmələrini tələb ediblər. Etirazçıların nümayəndələri Prezident Administrasiyasının rəsmiləri tərəfindən qəbul edilib.
Aksiya iştirakçıları mülki geyimli şəxslər tərəfindən əhatəyə alınıb. Foto, video çəkilişinə imkan verilməyib.
Məcburi köçkünlər iyunun 5-də eyni tələblərlə Nazirlər Kabinetinin qarşısında aksiya keçiriblər.
Aksiya işrirakçılarından Aynur Məmmədova Turan-a bildirib ki, Füzuli rayonunda dörd kəndi birləşdirən tibb məntəqəsində işləyib.
"Hazırda işsizəm. Ötən ilin avqustunda Dövlət Qaçqınkomun qəbulunda oldum, işlə təmin olunacağımı bildirdi. Amma hələ də işlə təmin olunmamışam. Nə torpağımız azad edilir, nə də işlə təmin edilirəm", - o qeyd edib.
A.Məmmədova iyunun 5-də etiraz aksiyası zamanı onları baş nazirin müavini Əli Əhmədovun qəbul etdiyini bildirirb.
"Baş nazirin müavini bildirdi ki, araşdırmalar aparılır. Problemimiz həll olunacaq, maaşlarımız ödəniləcək. Amma hələ bir xəbər yoxdur", - o deyib.
A.Məmmədova etiraz edən insanların ehtiyac içində yaşadığını bildirib.
"Ehtiyac içində yaşayırıq, gəlirimiz, dolanışığımız yoxdur. Hamı yaşlı insandır".
O, maaşları dayandırılmış adamların Nazirlər Kabinetini məhkəməyə verdiyini və müsbət cavab almadığını deyib: "Hazırda apellyasiya şikayəti hazırlayırıq".
A.Məmmədova hesab edir ki, hökumət məcburi köçkünlərin maaşlarını bərpa edə bilər.
"İndi neftin də qiyməti bahalaşıb, dövlətimizin də gəlirləri çoxalıb", - o qeyd edib.
Xatırladaq ki, Azərbaycan hökuməti Dağlıq Qarabağ və ətraf rayonlarda büdcə təşkilatlarında işləmiş məcburu köçkün düşmüş insanların əmək haqlarını 2017-ci ilin yanvarınadək ödəyib. Onların sayı 7 min nəfərədək olub. Qeyri-rəsmi məlumatlara görə, hazırda onların sayı 6 200 nəfərdir. -03B-
Cəmiyyət
-
Sentyabrın 15-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin səhər bəzi şəhərətrafı ərazilərdə qısamüddətli yağış yağacağı ehtimalı var. Mülayim şimal-şərq küləyi əsəcək. Havanın temperaturu gecə müsbət 19+22, gündüz müsbət 26+29 dərəcə olacaq, Milli Hidrometeorologiya Xidməti bildirib.
-
2024-cü ilin ilk yeddi ayında Azərbaycan narkotik maddə asılılığına, narkotik və psixotrop maddələrin qanunsuz dövriyyəsinə qarşı mübarizəni gücləndirdi və Dövlət Narkomaniya və Narkotik Vasitələrin Qanunsuz Dövriyyəsinə Qarşı Mübarizə Komissiyasının daimi işçi qrupu tərəfindən bu sahədə əhəmiyyətli nəticələr əldə olunduğu bildirildi. Komissiya tərəfindən aparılan geniş təhlillər ölkənin narkotik maddələrə qarşı mübarizəsində həm uğurlar, həm də davam edən problemləri üzə çıxardı.
-
Tanınmış ictimai xadim, Müharibə, Əmək və Silahlı Qüvvələr Veteranları Təşkilatının sədri Fatma Hüseyn qızı Səttarova 102 yaşında vəfat edib.
-
2024-cü ilin ilk yeddi ayında Azərbaycanda cinayətkarlığın kəskin azalması qeydə alınıb və bu, ölkənin ictimai təhlükəsizliyi artırmaq və hüquq-mühafizə orqanlarının səmərəliliyini yüksəltmək istiqamətindəki səylərinin əhəmiyyətli bir nailiyyəti hesab olunur. Daxili İşlər Nazirliyinin məlumatına görə, 2024-cü ilin yanvar-iyul aylarında 18,518 cinayət qeydə alınıb ki, bu da 2023-cü ilin eyni dövrü ilə müqayisədə 21,7% azdır.
Rəy yaz