Media-icmal 05.01.21

Vaxtilə Ermənistana verilmiş ərazilərin geri qaytarılması, Azərbaycan ordusunun hədəfləri, Azərbaycan-Rusiya münasibətlərinin vəziyyəti, ölkədə koronavirus infeksiyasına yoluxma ilə bağlı vəziyyət və s. məsələlər medianın aparıcı mövzuları sırasındadır...

“Yenisabah.az” saytı “Azərbaycan ordusunun əsgərdən tutmuş generalına kimi ...” sərlövhəli məqalədə vaxtilə Ermənistana verilmiş Azərbaycan ərazilərinin geri qaytarılmasını dəyərləndirir.

Müəllif vurulayır ki, Qubadlı (Azərbaycan) və Zəngəzur (Ermənistan) rayonlarının sərhəd xəttində yerləşən Şurnux kəndində Azərbaycan hərbçiləri post qurub və ermənilərə 5 gün ərzində ərazini tərk etmələri tələbini yazıblar. 

Ekspertlər deyirlər ki, bu kənd demək olar ki, sərhəd xətti üzərindədir. “... işğaldan sonra ermənilər 20-yə yaxın ev tikməklə kəndi genişləndiriblər. Azərbaycan ordusunun tələbi o 20 evin yanvarın 5-nə kimi sökülməsi və ermənilərin kəndi tərk etməsidir.

Müəlliflər əlavə edirlər ki, bu addım həm də Azərbaycanın “bir qarış torpaq belə verilməyəcək” bəyanatının əməli təsdiqidir.

Bu hərəkət “Azərbaycan heç bir qarış torpağını da işğalçıya verməyəcək” bəyanatının təsdiqidir

Bununla yanaşı müəllif hesab edir ki, Türkiyə ordusu Azərbaycanın müstəqilliyinin qorunmasında mühüm rol oynayır, türk mütəxissislər Azərbaycan ordusunun əsgərdən generalına qədər bir daha NATO təlimlərini mənimsəməyi davam etdirməli və yoxlamalıdır.

Müəllifə görə, bölgədə həyata keçiriləcək regional iqtisadi layihələr sülh prosesini gücləndirə bilər.

“Redaktor.az” saytı isə “Azərbaycan ordusunun yeni hədəfləri açıqlandı- polkovnik sərlövhəli məqalədə Azərbaycan ordusunun qarşıdakı hədəfləri barədə bəhs olunur.

Ekspertlər hesab edirlər ki, Azərbaycan ordusu müasir ordudur və bunu 44 günlük Vətən Müharibəsi də təsdiqlədi: “Ordumuz bundan sonra döyüş təcrübəsindən irəli gələn inkişafa qədəm qoyacaq. Yeni silahların alınması, prioritet istiqamətlərdə inkişaf, hərbi sənayenin təkmilləşdirilməsi əsas sahələrdən olacaq....bizim hədəfimiz elə bir Silahlı Qüvvələr yaratmaqdır ki, heç kimin gözü bizim torpaqlarda olmasın”.

Müəllifə görə, ordu quruculuğunda daha bir hədəf silahların təkmilləşdirilməsidir. Artıq prioritet silahlardan biri pilotsuz uçuş aparatlarıdır. Bununla bağlı Türkiyənin hərbi sənayesi ilə müəyyən sazişlər var. Daha məqsədyönlü, daha müasir PUA-ların istehsalı olacaq. Həmçinin başqa silahların da təkmilləşdirilməsi prosesi olacaq".

“Moderator.az”  saytı "Nəyə görə biz “qızıl yumurtlayan” toyuğu öz əlimizlə kəsməliyik...?" sərlövhəli məqalədə keçmiş xarici işlər naziri Tofiq Zülfüqarov Rusiya-Azərbaycan əlaqələrini dəyərləndirir.

Eks-nazirə görə, ordunun qəhrəmanlığı ilə yanaşı ilə Türkiyə-Rusiya tandemi, qələbəni təmin edən əsas xarici siyasi amil oldu. Əgər bu cütlükdən Rusiyanı kənarlaşdırsaq, o zaman tandem dağılacaq və yeni geosiyasi konfiqurasiyanın yaranmasına səbəb olacaq...

Eks-nazir hesab edir ki, praqmatik olmalı və bu tandem çərçivəsində maraqların təmin olunmasını tələb etməliyik. “Hesab edirəm ki, biz bu geosiyasi imkanlar çərçivəsində suverenliyimizin bərpası və yerdə qalan 2% məcburi köçürülmüş insanların öz evlərinə qayıtması uğrunda mübarizəni davam etdirməliyik...

T.Zülfüqarov deyir ki, Azərbaycan 1993-cü ildən qeyri-qanuni istifadə etdikləri əraziləri qaytarmağa imkan verməyən bölgədəki geosiyasi konfiqurasiyanı dəyişdirməklə demək olar ki, qeyri-mümkün olan bir işi reallaşdırdı: “Belə olan halda, nəyə görə biz “qızıl yumurtlayan” toyuğu öz əlimizlə kəsməliyik? Nəzərə alaq ki, Türkiyə də bu strategiyaya riayət edir... və təbii ki, sual: beləliklə, kimdir 5-ci kolon?” deyə eks-nazir bildirir.

“Azpolitika.info.az” saytı isə “Yoluxma həqiqətən azalıb, yoxsa? "Bu say reallığı əks etdirmir, səbəb..." sərlövhəli məqalədə  Azərbaycanda koronavirus infeksiyasına yoluxma ilə bağlı vəziyyəti dəyərləndirir.

Müəllifə görə, dekabrın sonlarından yoluxma kəskin azalsa da sutkalıq ölüm halları gndəlik 30-35 nəfər olmaqla sabit qalır. Bu sahədə gündəlik statistik rəqəmləri yada salan müəllif əlavə edir ki, 22689 nəfər aktiv xəstə var, amma hazırda evlərdə nə qədər xəstə olması barədə məlumatlar verilmir.

Amma müəllif iddia edir ki, ölkədə yoluxmanın kəskin azalmasını əks etdirən rəqəmlər real vəziyyətə adekvat deyil, nəzarət orqanları hansısa səbəblərdən rəqəmlərlə manipulyasiyalara yol verirlər.  

Vəziyyətlə bağlı şərh verən iqtisadçı Samir Əliyev də yoluxmanın azalması ilə bağlı rəqəmlərin etibarlılığına şübhə ilə yanaşır.   

“Son 15 gündə Azərbaycanda koronavirusa yoluxanların sayının azalaraq dördrəqəmli həddən üçrəqəmli həddə düşməsi meyli müşahidə olunur və elə təəssürat var ki, bu, ikirəqəmli həddə də enə bilər. Azalmanın əsas səbəbi aparılmış testlərin sayının dəfələrlə azalmasıdır”, - Samir Əliyev bunu belə bildirir.