Media-icmal 11.11.20

"Azərbaycan" qəzeti "Şəhid ruhu rahatlıq tapır bu gün" sərlövhəli məqalədə bu il noyabrın 10-da hərbi əməliyyatların dayandırılmasını dəyərləndirir. Bundan da iərli gələrək müəllif son 30 ildə mətruz qaldığı problemləri yada salır.

Məqalədə deyilir ki, son 30 ildə Azərbaycan milli azadlıq mübarizəsi apardığına görə torpaq itkisinə, soyqırıma məruz qaldı, müilli istiqlal üçün çox şəhidlər verdi.

Müəllif vurğulayır ki, noyabrın 10-da Ermənistan üzərində qazanılan qələbə ilə Azərbaycan xalqı və dövlət rəhbərliyi bir qarış torpağını belə heç kəsə vermək fikrində olmadığını ortaya qoydu və Şəhidlər Xiyabanına kütləvi axın başlandı.

Müəllifə görə, bu ziyarətlər ". ..Torpaq, əgər uğrunda ölən varsa, Vətəndir!" deyiminin təsdiqidir

Müəllif vurğulayır ki, dövlət başçısı İlham Əliyevin bu il noyabrın 8-də Şuşanın işğaldan azad olunmasını məhz Şəhidlər Xiyabanından elan etməsi də təsadüfi deyildi, rəmzi məna daşıyırdı.

Müəllif deyir ki, bu qələbə ilə Azərbaycan xaqlı və dövlət rəhbərliyi "Qarabağ Azərbycandır" şüarının bütün mənasını ortaya qoydu ki, onun bir qarış torpağına da yağı göz dikə bilməz!

"Yenisabah.az" saytı "Türk generaldan mühüm açıqlama: Rus əsgərləri Qarabağda yerləşdirilsə də…" sərlövhəli məqalədə noyabrın 10-da Qarabağda hərbi əməliyyatların dayandırılması ilə bağlı Azərbaycan prezidenti İlham Əliyevin, Rusiya prezidenti Vladimir Putinin və Ermənistan Baş naziri Nikol Paşinyanın imzaladıqları bəyanatı dəyərləndirir.

Sənədi Türkiyənin Azərbaycandakı keçmiş hərbi attaşesi olmuş general Yücel Karauz şərh edib.

General sentyabrın 27-dən başlayan hərbi əməliyyatlarla bağlı noyabrın 10-da Ermənistanın artəşkəsə razılıq verdiyini bildirir: "Bu, Ermənistanın həm müharibə meydanında, həm də siyasi və diplomatik baxımdan məğlubiyyətinin ən böyük göstəricisidir", deyə Y.Karauz sənədə qiymət verir.

Y.Karauz bəyanatda işğalda qalan bütün rayonların qaytarılmasını, Dağlıq Qarabağın statusu tələbinin olmamasını, Naxçıvanla quru əlaqəsini bərpa etməsini isə razılaşmanın Azərbaycan üçün üstün tərəfi kimi dəyərləndirir.

General hesab edir ki, Ermənistan-Dağlıq Qarabağ təmas xəttinə, yəni Zəngilan-Kəlbəcər xətti və 5 kilometrlik Laçın dəhlizinə rus sülhməramlılarının yerləşdirilməsi narahatlıq və məyusluq doğurmamalıdır.  Belə ki, monitorinq mərkəzində rus və türk əsgərləri birgə xidmət edəcəklər və Türkiyə həmişə Azərbaycanın yanındadır.

Y.Karauzun fikrincə, meydanda və masada əldə olunan böyük qələbə ilə sadəcə 28 illik itkilər geri qaytarılmır, eyni zamanda, 100 illik Naxçıvanla Azərbaycan arasındakı əngəl qaldırılır: "Bununla bütün türk dünyası üçün böyük qələbə əldə edilir. Mən bu atəşkəs razılaşmasını 95 faiz Azərbaycanın milli maraqlarına uyğun hesab edirəm", deyə general bildirir.

"Modern.az" saytı "Sülhməramlıların gəlişi rus hərbi bazası demək deyil" sərlövhəli məqalədə İstiqlalçı deputat Vahid Əhmədovun  düşüncələrinə yer verib.

V.Əhmədov noyabrın 10-da qazanılmış qələbə münasibətilə xalqı təbrik edib, bu qələbənin unudulmaz günlər kimi yaddaşlarda qalacağını bildirir:

"Mən bütün xalqımızı, dünya azərbaycanlılarını, Ali Baş Komandanımızı və bizə bu qələbəni qanı, canı ilə bəxş edən Azərbaycan ordusunu təbrik edirəm. Qürurlu tarixə şahidlik edirik", deyə deputat bildirib.

Deputat yada salır ki, 30 ilə yaxın idi ki, bir milyona yaxın insan məcburi köçkün həyatı yaşayırdı, bu xalq kimsənin inanmadığı, heç kimin edə bilmədiyini gerçəkləşdirdi: "Biz dünyaya necə qüdrətli bir dövlət, əzmkar bir millət olduğumuzu sübut etdik".

Deputat Qarabağda yerləşdirilən Rusiya sülhməramlıları barədə də danışıb və deyib: "Yeri gəlmişkən, bölgəyə Rusiya sülhməramlılarının gəlişindən əndişələnən soydaşlarımıza səslənirəm. Heç kim narahat olmasın. ...Eyni zamanda, bölgəyə azsaylı sülhyaradıcı rus kontingentinin gəlməsi heç bir halda Rusiyanın Azərbaycanda yenidən hərbi baza yaratması kimi qiymətləndirilməsin. Bu, sadəcə Türkiyə hərbçiləri ilə birlikdə məhdud sayda sülhməramlı hərbiçilərin mövcudluğundan ibarət olacaq", deyə deputat bildirib. 

Deputat əlavə edir ki, sülhün qarantı təkcə Rusiya deyil, qardaş Türkiyə də burada olacaq.