Media-icmal 12.10.20

Ölkənin internet resursları daha çox hərbi müstəviyə fokslanıb. Dövlət başçısı İlham Əliyevin Rusiyanın RBK telekanalına müsahibəsi,  oktyabrın 11-də Gəncəyə raket zərbəsi vurulması, oktyabrın 10-da Moskvada əldə edilmiş humanitar atəşkəsə Ermənitsanın əməl etməməsi, bu atəşkəsin Azərbaycanın maraqlarına cavab verməməsi və s. medianın aparıcı mövzuları sıraındadır...   

“Oxu.az”  saytı “İlham Əliyev: Ermənistanın pulsuz silahlanması Rusiya tərəfindən təmin edilir” sərlvöhəli məqalədə

Prezident İham Əliyevin oktyabrın 10-da Rusiyanın RBK televiziya kanalına müsahibəsini diqqətə çatdırır.

İ.Əliyev deyir ki, Qarabağ münaqişəsinin nizamlanmasına təsir göstərmək üçün Rusiyanın imkanları hər hansı başqa ölkənin imkanları ilə müqayisəyəgəlməz dərəcədə çoxdur.

“Buna görə biz dəfələrlə Rusiya rəhbərliyinə müraciət etmişik ki, Rusiya rəhbərliyi Ermənistana siyasi təsir göstərmək vasitələrindən istifadə etsin, erməni tərəfini inandırsın ki, işğala son qoyulmalıdır. Ermənistan Rusiyadan 100 faiz asılı vəziyyətdədir. Onun təhlükəsizliyi Rusiya tərəfindən təmin edilir, pulsuz silahlanması Rusiya tərəfindən təmin edilir”, deyə dövlət başçısı bidirib.

Onun fikrincə, Rusiya qısa müddətdə Ermənistanı inandıra bilər ki, təkcə hərbi qarşıdurma baxımından deyil, bütövlükdə Ermənistanın gələcəyi üçün indiki vəziyyətdən yeganə çıxış yolu Azərbaycanla münaqişənin həllini tapmaqdır. “Bu həll isə çox sadədir - onlar bizim ərazidən getməli, öz qoşunlarını çıxarmalı, bizim insanlar oraya qayıtmalı və biz yenidən yanaşı yaşamağa çalışmalıyıq”, deyə İlham Əliyev bildirib.

“Azərbaycan” qəzetində  “Hikmət Hacıyev: Azərbaycan humanitar atəşkəs rejiminə əməl etdi, Ermənistan isə mülki əhaliyə qarşı vandalizm aktı törətdi” sərlövhəli məqalədə Prezidentin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyevin erməni tərəfin oktyabrın 11-də Gəncə şəhərinə rakert atmasının nəticələri barədə dəyərləndirmələrinə yer verilir.

“Əhalinin sıx yaşadığı bir əraziyə raket hücumunun həyata keçirilməsi çoxlu sayda insanın qətlə yetirilməsi məqsədi daşıyır”, deyə H.Hacıyev Azərbaycanın ikinci ən böyük şəhəri Gəncəyə raket atılmasını  dəyərləndirib.

O, Azərbaycandaki xarici ölkələrin attaşeləri və beyənlxalq təşkilatların nümayəndələri üçün keçirdiyi brifinqdə deyib ki,  Ermənistanın Vardenis rayonundan atəşə tutduğu Gəncə təmas xəttindən uzaqda yerləşir.

H.Hacıyev əlavə edib ki, “Ermənistan “Smerç”, “Skad” raketlərindən də Azərbaycan şəhərlərini atəşə tutur və Azərbaycanın sənaye şəhəri Mingəçevir də Ermənistan tərəfindən raket atəşinə məruz qalır.

O, Ermənistanın bu əməllərinin Moskvada əldə olunmuş humanitar atəşkəs razılaşmasına zidd olduğunu vurğulayıb: “Azərbaycan humanitar atəşkəs rejiminə əməl etdi, Ermənistan isə mülki əhaliyə qarşı vandalizm aktı törətdi. Beynəlxalq təşkilatlar Ermənistana siyasi təzyiq göstərməlidir. Ermənistan həm qara bazardan, həm də mülki təyyarələrdən istifadə etməklə yeni silahlar gətirir. Bu, beynəlxalq mülki aviasiya qaydalarına da tamamilə ziddir”, deyə Prezidentin kömkçisi bildirib.

Onun sözlərinə görə, əgər Ermənistan bu əməllərini davam etdirəcəksə, Azərbaycan beynəlxalq hüquqa uyğun cavab tədbirləri görəcək.

“Redaktor.az” saytı “Ordumuz tarix yazır: Cəmi 6 saat atəşkəs... və müharibəyə davam” sərlövhəli məqalədə müəllif politoloq Əhəd Məmmədli ilə Azərbaycanın sentybarın 27-dən apardığı əks-həmlə hərbi əməliyyatlarını dəyərləndirir.  

Politoloq hesab edir ki, Azərbaycan ordusu müasir müharibələr tarixində yeni bir səhifə açıb, peşəkar səviyyədə, minumum itki ilə düşmənə maksimum zərbə endirir.

“Azərbaycan ordusunun istifadə etdiyi son taktika, Türkiyənin Suriya və İraqda istifadə etdiyi taktika ilə eynidir. Türkiyənin Suriyada, İraqda antiterror əməliyyatlarında istifadə etdiyi taktikanı indi biz Qarabağda düşmənə qarşı əks-hücumda istifadə edirik. Bu taktikanın əsas önəmi birinci ərazilərin təmizlənməsi, daha sonra əraziyə quru qoşunların yeridilməsidir. Əsas məqsəd daha az itki verməkdir”, deyə politoloq bildirir.

Ə.Məmmədli vurğulayır ki, müharibə qanunlarına görə, hücüm edən tərəf daha çox itki verir, amma bizdə əksinədir.

Humanitar məqsədlə atəşkəs elan olunduğunu deyən politoloq əlavə edir ki, meyitləri götürmək üçün qarşı tərəfə vaxt vermək olar və bu 6 saatdan çox ola bilməz, çünki atəşkəsin ilk addımı atılsa, Rusiya növbəti təkliflər, şərtlər irəli sürə bilər.

“Azpolitikainfo.az” saytı  “Moskva razılaşması Azərbaycanın maraqlarına ziddir - Müharibə bitməmiş əsirlər dəyişdirilməz” sərlövhəli məqalədə müəllif  oktyabrın 10-da Moskvada Rusiyanın vasitəçiliyi ilə Azərbaycanla Ermənistan arasında qəbul edilmiş humanitar atəşkəsi politoloq Elxan Şahinoğlu ilə dəyərləndirir. 

E.Şahinoğlu deyir ki, döyüşlər getdiyi halda əsirləri dəyişmək mümkün deyil, indiki şərtlər daxilində Azərbaycanın maraqlarına ziddir və bu məsələ müharibə başa çatdıqdan sonra mümkün ola bilər. 

Politoloq vurğulayır ki, bəyanatda Azərbaycanın işğal altında olan 7 rayonu barədə söhbət açılmır: “Bu yoxdursa, bəyanatın digər hisssələri bizim üçün keçərli deyil. Ermənistan qoşunları Azərbaycan ərzilərini tərk etməyənə kimi danışıqlar mümkün görünmür”. 

Politoloq deyir ki, Moskvada sadəcə bir bəyanat qəbul edilib və onun da hüquqi qüvvəsi yoxdur və kimsə bizi bu bəndləri yerinə yetirməyə məcbur edə bilməz.