Media-icmal 13.05.21

Türkiyə-İsrail-Fələstin “üçbucağı”nda Azərbaycanın hansı yerdə durmalı olması, Bakıda sərnişin səkilərinin zəbt edilməsi, 18 yşdan yuxarı vətəndaşların vaksinasiyaya cəlb olunmasının səbəbləri və s. məsələlər medianın aparıcı mövzuları sırasındadır...  

“Yenisabah.az” saytı  “Azərbaycanın İsrail-Fələstin gərginliyində mövqeyi necə olmalıdır?” sərlövhəli məqalədə bu müstəvidə Azərbaycanın hansı mövqe tutması şərh edilir.

Məsələ belədir ki,  Azərbaycan Türkiyə və İsrail ilə müttəfiqdir. Amma indi Fələstinlə İsrail arasında silahlı gərginlik yaşanır. Türkiyə isə Fələstinin islam dünyasının bir parçası olduğunu deyərək islam ölkələrinə Fələstinə dəstək vermək çağırışı edir. Azərbaycan isə strateji müttəfiq kimi Ankaranın xarici təşəbbüslərini dəstəkləməli olması kimi görünür. İsrail isə təzyiqlərə baxmayaraq Azərbaycana qarşı müsbət mövqeyini heç zaman dəyişməyib.

Məqalədə vurğulanır ki, Ankarada Azərbaycan-İsrail münasibətləri nəzərə alınır və yəqin ki, buna yenidən baxılması tələb olunmayacaq. 

Azərbaycan iki ölkə arasında münasibətləri qaydasına salmaq üçün vasitəçi ola biləcəyini ifadə edib, həm də neçə illər sonra İsraildə səfirliyini yaratmaq planını işə salırdı. Son hadisələr fonunda isə Türkiyənin İsrail ilə münasibətləri təxirə salındı, indiki gərgin durumda isə vasitəçiliyə də ehtiyac qalmayıbdır.

“Yeniavaz.com” saytında yer alan  “Bakıda səkilərin zəbt olunmasının qarşısı alınıb” sərlövhəli məqalədə Bakının Xətai rayonunun Xudu Məmmədov küçəsində yaranmış sosial problemdən bəhs olunur.

Adı çəkilən küçədə səki zəbt edilib, aradan qaldırılması üçün tədbirlər görülür , həm də deyilir ki, piyadaların rahat və maneəsiz hərəkəti üçün səkilərin uyğun hala gətirilməsi şərtdir.

Bakı Nəqliyyat Agentliyi səkilərdə belə vəiyyətin yaranmasına səbəb kimi bəzi obyektlərin qanunsuz olaraq bu əraziləri zəbt etməsini göstərir.

Müəllifin deməsinə görə, analoji vəziyyət Nizami rayonunun Cəmşid Naxçıvanski və Bəkir Çobanzadə küçələrində də qeydə alınıb. Yeni inşa edilən obyektin qarşısında səkinin sahəsi daraldılaraq parkinq təşkil edilib.

“Sonxəbər.az”  saytı nda dərc edilən “Ənənəvi təhsilə yol göründü: Gələn il hamı məktəbə gedəcək” sərlövhəli məqalədə 18 yaşı tamam olan Azərbaycan vətəndşalarının koronavirus infeksiyasına yoluxma əlethinə peyvəndə cəlb olunması deputat və mütəxəssislərlə dəyərləndirir.

Azərbaycanda 18 yaşdan yuxaı şəxslərin peyvənd olunmasına bu il mayın 10-dan start verilib, ölkəyə koronavirus əleyhinə bir neçə növdə və kifayət qədər vaksinin gətirilməsi buna şərait yaradıb.

Həmçinin deyilir ki, bu risk qrupunda olmayan əhalinin də vaksinə cəlb edilməsi deməkdir və normal həyata qayıtmaq üçün yeganə effektiv silahdır.

Bəzi ekspertlərə görə isə, 18 yaşdan yuxarı əsas risk qrupu tələbələrdir, odur ki, vaksinasiyada tələbələr daha aktiv olmalıdırlar və bu gələcəkdə ənənəvi təhsilə keçid imkanı yaradacaqdır.

Mütəxəssislərə görə, vaksinasiyanın daha çox əhali kütləsini əhatə etməsi üçün ərazi prinsipi aradan qaldıırlmalıdır, kim faktiki harada yaşayırsa, orada da  peyvənd olunmasına şərait yaradılmaalıdır.

Ekspertlər bəyan edirlər ki, bu proses uğurla başa çatsa 2021-2022-ci tədris ilində hamı məktəbə gedə biləcəkdir.