Media-icmal 15.10.20

“Azərbaycan” qəzeti “İşğaldan azad edilən Suqovuşan Goranboyun əkin sahələrinə həyat verir” sərlövhəli  məqalədə işğaldan azad edilən  ərazilərdəki obyektlərin Azərbaycanın təsərrüfat həyatına qoşulmasını dəyərləndirir. 

Müəllif deyir ki, 30 ilə yaxın işğal altında olan Tərtər rayonunun Suqovuşan kəndi azad edildikdən sonra buradakı su anbarı Tərtər və Yevlax rayonları ilə yanaşı, Goranboyun torpaqlarına da yeni həyat gətirib: “Artıq Suqovuşan su anbarından buraxılan suyun nizamlanması nəticəsində minlərlə hektar əkin sahəsinin davamlı olaraq suvarılması kənd təsərrüfatında yüksək məhsuldarlığın əldə edilməsinə təminat yaradıb.

Müəllif əlavə edir ki, işğaldan əvvəl Suqovuşan su anbarından gələn su ilə Goranboy rayonunun 6938 hektar əkin sahəsi su ilə təmin edilirdi. Lakin işğaldan sonra suyun qarşısının kəsilməsi rayonda kəskin ekoloji problemlər yaratmışdı.

Yazı müəllifi yada salır ki, Azərbaycanın aqrar sektorunda suya tələbatın ödənilməsi ən ciddi problemlərədn biridir.

Müəllif deyir ki, eyniadlı su anbarından götürülən su rayonun əsasən Əlirzalı, Qızılhacılı, Balakürd, Boluslu və Yeniyol kəndlərindəki əkin sahələrinin suvarılmasını təmin edəcək.

Müəllifin deməsinə görə, bundan irəli gələrək fermerlər artıq əkin sahələrinin suvarılmasında yaranan su problemnin həll edildiyini deyirlər.

“Yenisabah.az” saytı  “Ermənistan bəşəriyyətə qarşı cinayət törətdi” sərlövhəli məqalədə Türkiyə və Azərbaycan tərəfindən Yaxın Şərqdən muzdluların, cihadçıların döyüşlərə cəlb edilməsi barədə Ermənistanın iddiaraına cavab verilir.

Azərbaycanın birinci vitse-prezidentinin köməkçisi Elçin Əmirbəyov “Əl-Ərəbiyə” televiziya kanalına müsahibəsində iddiaları bir daha rədd edir, onları yalan adlandırır.

E.Əmirbəyov vurğulayır ki, Ermənistanşn PKK-dan və Kürd Vətən İttifaqından minlərlə terrorçunu, bəzi Qərb ölkələrinin erməni əsilli muzdlu və silahlılarını münaqişəyə  cəlb etdiyini bildirən E.Əmirbəyov Azərbaycana qarşı yenidən ikili standartların tətbiq edildiyini vurğulayıb və onların günahının başqasının boynuna atmaq cəhdinin göz qabağında olduğunu bildirib.

E.Əmirbəyov deyir ki, Azərbaycana qarşı bu ittihamlardan birini belə təsdiq edən sübut yoxdur.

Köməkçi deyir ki, rəsmi Bakı atəşkəsə razılıq verməklə xoş niyyətini və Ermənistan-Azərbaycan Dağlıq Qarabağ münaqişəsinin sülh yolu ilə həll edilməsinə tərəfdarlığını nümayiş etdirib.

E.Əmirbəyov əlavə edir ki, Moskvada qəbul edilən atəşkəs bəyanatını  pozan elə Ermənistan  oldu: “Üstəlik, öz ərazisindən Gəncə şəhərinin mülki əhalisini gecə xaincəsinə atəşə tutmaqla Ermənistan bəşəriyyətə qarşı cinayət və Azərbaycan xalqına qarşı da növbəti soyqırım aktını törətdi”.

Köməkçi deyir ki, gec-tez Paşinyan hökuməti buna görə beynəlxalq müharibə cinayətləri tribunalında cavab verəcək.

“Mətbuat.az” saytı “Lavrovun muzakirələrinin nəticəsi olmayacaq - General Yücel Karauzdən açıqlama” sərlövhəli məqalədə Ermənistan-Azərbaycan hərbi qarşıdurması dəyərləndirlir. 

Türkiyənin Azərbaycandakı keçmiş hərbi attaşesi, general Yücel Karauz deyib ki, ATƏT-in Minsk Qrupunun siyasi olaraq ömrü bitib.

Keçmiş attaşe hesab edir ki, bu formatda danışıqlar nəticəsiz olacaq, ona görə nəticəyönlü danışıqlar Rusiya-Türkiyə çərçivəsində baş verəcək.

Y.Karaüz əlavə edir ki, ATƏT-in Minsk Qrupu 13 ölkədən ibarətdir, odur ki, bu formatda Azərbaycanın işğalda olan 7 rayonun azad edilməsi, torpaqların qrafik əsasında təyin edilmiş vaxtlarda qaytarılması müzakirə edilməlidir .

Keçmiş attaşeyə görə, Qafqazda sülhün təminatı üçün Türkiyə və Rusiyanın bu məsələlərdə iştirakı labüddür: “ Əgər Azərbaycan istədiyi nəticəni əldə edə bilməsə, o zaman “bir millət iki dövlət” dediyimiz Azərbaycan və Türkiyə, “bir millət bir dövlət” olaraq işğal altındakı torpaqlarının azad olunmasında qənaətbəxş addımlar atmalıdırlar.

General deyir ki, ümumiyyətlə erməni işğalçıları tərəfindən işğal edilmiş Azərbaycan torpaqlarının qaytarılması məsələsinin təkcə xarici işlər nazirlərinin müzakirələrinin ixtiyarında olması yalnışdır, bu formatda heç bir nəticə əldə olunmayacaq.

“Redaktor.az” saytı “Paşinyan etiraf etdi: Qarabağın işğalı sona çatır...” sərlövhəli məqalədə müəllif Ermənistanın hərbi durumunu deputat Tahir Mirkişili ilə dəyərləndirir. 

Müəllifin deməsinə görə, Ermənistanın baş naziri Nikol Paşinyan erməni  xalqına müraciət edib, müraciətdə etiraflardan bəlli olur ki, erməni ordusu darmadağın olmaq ərəfəsindədir.

Deputat T.Mirkişili artıq Paşinyan hökumətinin ağır vəziyyətə düşdüyünü vurğulayıb.

T.Mirkişili deyir: “N.Paşinyan hakimiyyətə gələndə bu vəziyyətlə qarşılaşıb: işğal olumuş 5 rayonu qaytarmaq, sonra isə 2 rayonun qaytarılması qrafikini müəyyən etmək, daha sonra Qarabağın Azəbaycan tərkibində statusunun müəyyən olunması ilə razılaşmaq. Yəni, işğal olunmuş rayonlar status əvəzində deyil, sülh əvəzində geri qaytarılmalı idi. Əks halda müharibə olacaq”.

Deputat deyir ki,  Ermənistan düşünürdü ki, işğal olunmuş rayonları geri verməklə əvəzində Dağlıq Qarabağın müstəqillik statusunu Azərbaycandan alacaq, amma onlara təklif edilən - ərazilərin əvəzində sülh olub,  lakin Paşinyan hökuməti bu şərtlərdən imtina edib, dolayı yolla müharibə yolunu seçib.

T.Mirkişili vurğulayır ki, indi də məhz o seçimin acı nəticəsini yaşayırlar, Azərbaycanın indi də şərti əvvəlki kimidir: ərazi əvəzinə sülh, yəni, ərazilərimizi tərk edin, sülhə nail olaq.

Deputat əlavə edir ki, indi isə artıq Ermənistanı rəsmi olaraq masa ətrafında təslim olmaq görüşü gözləyir.