Media İcmalı- 16.08.23

Ölkədə Milli Preventiv Qrupun üzvlərinin görüşü, İyulda olan buğda idxalı, Gömrükdə rüşvət alınması bu gün (16.08.23) üçün gündəm mövzulardan olub.

“525-ci qəzet” saytında yayımlanan “Milli Preventiv Qrupun üzvləri Qubad İbadoğlu, Nazim Bəydəmirli və Əvəz Zeynallı ilə görüşüblər” sərlövhəli yazıda Milli Preventiv Qrupun üzvləri tərəfindən Bakı İstintaq Təcridxanasına əvvəlcədən xəbərdarlıq etmədən növbəti başçəkmələrin baş tutmasından danışılıb. Müəllif Qubad İbadoğlu, Nazim Bəydəmirli və Əvəz Zeynallı ilə konfidensial qaydada görüş keçirilib, onlarla rəftar, saxlanma şəraiti, tibbi xidmətin vəziyyəti öyrənilib, müraciətləri yerində araşdırıldığı qryd olunub. Həmin şəxslərə hüquqları və Ombudsmanın səlahiyyətləri izah olunduğu vurğulanıb.

“Anews.az”  saytında yayımlanan “İyulda nə qədər buğda idxal olunub? – Açıqlama” sərlövhəli yazıda buğdanın idxalının artması haqqında yazılıb. Müəllif qeyd edir ki, ötən ilin eyni dövrü ilə müqayisədə  bu il buğda idxalına nisbətən 6,6% çoxdur. Yazıda buğda idxalına  və ölkədə buğdanın istehsal olunmasına xərclənən vəsaitlər qeyd olunub. Müəllifin sözlərinə görə Bugünədək sahələrdən 370541 ton arpa, 24237 ton buğda yığılıb. Respublikanın 42 rayonunda biçin davam edir. Bu il ölkə ərazisində 1 058 398,9 hektar taxıl sahəsi əkilib.

Trend.az saytında “Gömrükdə rüşvət almaqda təqsirləndirilən vəzifəli şəxslər həbs edildi” sərlövhəli yazıda Gömrük rəsmiləşdirilməsi müqabilində rüşvət almaqda təqsirləndirilən vəzifəli şəxslərin həbs edilməsi haqqında yazılıb. Müəllif qeyd edir ki, DGK-nın Bakı Baş Gömrük İdarəsinin Gömrük dəyərləndirilməsi şöbəsinin inspektoru Məzahir İsmayılovun qeyd edilən qanunsuz əməllərin törədilməsi üçün ona vasitəçilik edən ƏƏSMN-in tabeliyindəki Sosial Xidmətlər Agentliyinin Quba-Xaçmaz Regional filialının müdiri Elşan Abdullayev və “ƏR TRANSPORT” MMC-nin faktiki rəhbəri Ədalət Quliyevlə əlbir olub. Onlar vətəndaşın şirkətinə məxsus avtomobil ehtiyat hissələrininin gömrükdən buraxılmasına görə 8 min manat rüşvət alıblar.

Sosial media

Azadlıqradiosu

Azərbaycan Güney qafqazda qazancı ən çox, maaşı ən az ölkə- Yazıda Güney Qafqazda gəlir və xərclərlə bağlı araşdırma qeyd olunub. Müəllifin sözlərinə görə Güney Qafqaz ölkələri arasında ixracdan ən çox gəlir götürən ölkənin Azərbaycan olduğunu göstərir – 17.9 milyard dollar. Eyni göstərici Ermənistanda 3.2 milyard, Gürcüstanda 3.1 milyard dollardır. Müəllif Azərbaycanın çox gəlir götürməsinə baxmayaraq orta aylıq əməkhaqqına görə  bölgədə sonuncu olmasını vurğulayıb. - Azərbaycanda orta aylıq əməkhaqqı 922 manatdır. Eyni göstərici Gürcüstanda 1 min 114 manatdır. Ermənistanda isə orta aylıq maaş 1 min 177 manata yaxındır.

Azərbaycan Ermənistan hərbiçisini saxladığını deyir – Yazıda avqustun 16-da saat 11:15 radələrində Ermənistan silahlı qüvvələrinin kəşfiyyat-diversiya qrupunun bir üzvü saxlanıldığı qeyd olunub. "Erməni hərbçilərin təxribatının qarşısı alınıb. Nəticədə diversiya qrupunun bir üzvü yaralanmış vəziyyətdə hərbi qulluqçularımız tərəfindən saxlanılıb. Kəşfiyyat-diversiya qrupunun digər üzvləri geri çəkilməyə məcbur edilib".