Açiq mənbələrdən foto.
Bakı/22.04.21/Turan: Bakının Xəzər rayon məhkəməsi cümə axşamı Türkan qəsəbə sakini Natiq Məhəmmədsoyun ev dustaqlığına buraxılması haqqında vəsatəti təmin etməyib.
Məhəmmədsoy qəsəbənin iki yaşlı qadın sakininin hüquqlarını müdafiə etməyə çalışdığı üçün onun işi ictimai əks-səda doğurub.
Yerli məmurlar və fırıldaqçılar saxtakarlıq yolu ilə qadınları ölmüş elan edərək, onların torpaqlarını ələ keçiriblər. Məhəmmədsoy onlara vəkil tapıb və onları müxtəlif dövlət orqanlarına aparıb, amma onun üzərinə silah və narkotik maddə atılıb və həbs edilib.
91 yaşlı Xumar Şabanova və 81 yaşlı Əzizəxanım Atayeva aprelin 12-də Məhəmmədsoyun azadlığa buraxılması və onların torpaq üzərində hüquqlarının bərpa edilməsi tələbi ilə aclıq elan edib. Məhəmmədsoyun anası Tamara Süleymanova da onlara qoşulub.
Onlar bu gün Məhəmmədsoya dəstək ifadə etmək üçün məhkəməyə gəliblər, iclasdan sonra isə rayon prokurorluğuna üz tutublar. Amma Xəzər rayon prokurorluğu Məhəmmədsoyun ev dustaqlığına buraxılmasına etiraz edib, bu barədə vəkil Cavad Cavadov bildirib. Prokurorluq bunu təqsirləndirilən şəxsin qanında narkotik olub-olmaması barədə ekspertiza rəyinin hələ alınmaması ilə əsaslandırıb.
Müdafiə tərəfi bu dəlili əsassız hesab edir, çünki ekspertizadan (5 mart) kifayət qədər vaxt keçib və nəticələr alınmalı idi.
İkincisi, ekspertizanın nəticəsi həlledici əhəmiyyət kəsb etmir, çünki satış məqsədilə narkotik saxlamaqla bağlı ittiham irəli sürülüb. Bununla belə, məhkəmə prokurorluğun tərəfini tutub.
Vəkil Məhəmmədsoyun məhz ictimai fəaliyyətinə görə təqib edildiyini hesab edir və onun ev dustaqlığına buraxılmasından imtina barədə qərardan apellyasiya vermək niyyətindədir. -06B-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz