Cəfər Mirzəyev
Bakı/16.03.23/Turan: Martın 16-da Bakı Apellyasiya Məhkəməsi Almaniyadan deportasiya edildikdən sonra narkotik maddə işi üzrə həbs olunmuş fəal Cəfər Mirzəyevin şikayətini qismən təmin edib.
Məhkəmə azadlıqdan məhrumedilmə müddətini 6 ildən 5 ilə endirib, vəkil Nemət Kərimli Turan-a bildirib.
O qeyd edib ki, Apellyasiya Məhkəməsi birinci instansiya məhkəməsinin nöqsanlarını aradan qaldırmayıb.
"Cinayət işində kifayət qədər ziddiyyət var və əlaqə yoxdur. Əsas çatışmazlıq narkotik maddələrin götürülməsinə dair natamam videodur. Videonun bir hissəsi silinib, odur ki, qeydlər sübut ola bilməz. Bu, cinayət işinə xitam vermək üçün kifayət idi", - vəkil deyib.
Bundan əlavə, məhkəmə polisin əməliyyat-qeydiyyat jurnalını təqdim etməsilə bağlı müdafiə tərəfinin vəsatətini təmin etməyib.
"Cinayət işində iddia edilir ki, guya Cəfər Mirzəyevin narkotik maddə satması ilə bağlı polisə operativ məlumat daxil olub. Əgər bu, doğrudursa, əməliyyat-qeydiyyat jurnalında müvafiq qeyd var. Ancaq aydındır ki, belə bir qeyd yoxdur, buna görə məhkəmə bu jurnalı istəmədir", - vəkil deyib.
Mirzəyev məhkəmədə bildirib ki, siyasi fəaliyyətinə görə, Almaniyada Azərbaycan hökumətinin siyasətinə qarşı etirazlarda iştirakına görə həbs edilib.
Vəkil deyib ki, Apellyasiya Məhkəməsinin qərarından kassasiya şikayəti veriləcək.
Cəfər Mirzəyev 2021–ci ilin sonu-2022-ci ilin əvvəlində Almaniyadan deportasiya edildikdən sonra narkotik maddə alveri ittihamı ilə həbs olunan dörd fəaldan biridir. Almaniyadan deportasiya edilmiş digər fəal başqa ittihamla həbs edilib. Hüquq müdafiəçiləri onları siyasi məhbuslar kimi tanıyıblar.
Hüquq-müdafiə qurumlarının məlumatına görə, bu həbslərin əsl səbəbi Azərbaycanda siyasi məhbusların azad edilməsi tələbilə Avropada keçirilən etiraz aksiyalarında siyasi mühacirlərin iştirakıdır.
Cəfər Mirzəyev 25 noyabr 2021-ci ildə Almaniyadan deportasiya edilib və yanvarın 27-də Bakıda həbs olunub. Ona qarşı Cinayət Məcəlləsinin 234.4.3-cü maddəsi (külli miqdarda narkotik maddə alveri) ilə ittiham irəli sürülüb. 03B06
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz