Açiq mənbələrdən foto.
Bakı/10.08.20/Turan: Bazar ertəsi Bakı Apellyasiya Məhkəməsi Xalq Cəbhəsi Partiyasının fəalı Müşfiq Quliyevin həbsilə bağlı Nəsimi məhkəməsinin qərarını qüvvədə saxlayıb.
Fəal iyulun 30-da həbs edilib. O iyulun 14-15-də Bakıda keçirilmiş orduya dəstək yürüşü zamanı iğtişaşlarda iştirakda ittiham olunub. Nəsimi məhkəməsi onu ictimai qaydanı pozmaqda, polisə tabe olmamaqda və özgə əmlakını qarət etməkdə ittiham edərək 3 ay müddətinə həbs edib.
Vəkil Hafiz Həsənovun sözlərinə görə, məhkəmədə Müşfiq Quliyevin hüquqazidd əməllərinə dair hansı sübut təqdim edilməyib.
Qeyd edək ki, AXCP üzvlərinə qarşı repressiya İlham Əliyevin Novruz bayramı ərəfəsində məlum çıxışından sonra başlayıb. İyulun 15-də İ.Əliyevin növbəti çıxışından sonra repressiya yeni güclə davam edib. Bu müddətdə AXCP-nin 47 üzvü saxlanılıb. Onlardan 12-i buraxılıb, 17-nə qarşı cinayət işi açılıb, qalanları isə inzibati qaydada həbs olunub.-03-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz