Açiq mənbələrdən foto.
Bakı/12.08.20/Turan: Avqustun 12-də Bakının Qaradağ Rayon Məhkəməsi Xalq Cəbhəsi Partiyası Gənclər Komitəsinin üzvü Orxan Baxışlının şərti olaraq vaxtından əvvəl azadlığa buraxılması barədə müraciətini təmin etməyib. Bu barədə Turan-a AXCP-dən bildiriblər.
O.Baxışlı 2018-ci ilin mayında həbs edilib və CM-in 234.4.3-cü maddəsi (külli miqdarda narkotik maddənin qanunsuz dövriyyəsi) ilə ittiham olunub. Məhkəmənin hökmü ilə 6 il müddətinə azadlıqdan məhrum edilib.
Daha sonra Ali Məhkəmə ittihamı daha yumşaq maddəyə - 234.1-ə tövsif edərək cəzanı üç ilədək azadlıqdan məhrumetməyə qədər azaldıb. O, cəza müddətinin 2/3-dən çoxunun başa çatması ilə əlaqədar vaxtından əvvəl azadlığa buraxılması üçün müraciət edib.
Lakin məhkəmə öz imtinasını 14 saylı koloniya administrasiyasının mənfi xasiyyətnaməsi ilə əsaslandırıb.
Xasiyyətnamədə deyilib ki, O.Baxışlı “hökmdən razı deyil, törətdiyi cinayətə görə peşman deyil”, müəssisənin əməkdaşlarına və digər məhkumlara qarşı “səmimi deyil”, buna görə də onun şərti olaraq vaxtından əvvəl azad edilməsi “məqsədəuyğun deyil”.
Xatırladaq ki, O.Baxışlı hüquq müdafiəçiləri tərəfindən siyasi məhbus kimi tanınıb.—06D--
Cəmiyyət
-
Ötən gün leysan yağışları nəticəsində müqəddəs Məkkə və Mədinə şəhərlərinin küçələrini su basıb. Sel yollara və avtomobillərə ziyan vurub. Səudiyyə Ərəbistanının digər yaşayış məntəqələrini də su basıb.
-
Azərbaycanda uşaq ölümlərinin sayında artım olduğu bildirilir. Ötən il ilə bağlı rəsmi statistika hələ açıqlanmasa da, 2023-cü ildə 1 yaşınadək vəfat edən uşaqların sayı 2 min 39-a çatıb. Bu, 2022-ci illə müqayisədə 2.1 dəfə çoxdur. 1000 diri doğulan körpələrin ümumi sayında 1 yaşınadək vəfat edənlər 18.1 nəfər (1.8 faiz) təşkil edib.
-
Yanvarın 8-də Bakıda və Abşeron yarımadasında yağış yağacaq, bəzi yerlərdə intensiv olacaq. Günorta yağıntı kəsiləcək. Cənub-şərq küləyi əsəcək. Havanın temperaturu gecə 4-8, gündüz 8-11 dərəcə olacaq. Nisbi rütubət 75-85% təşkil edəcək.
-
Könüllülər Yeni il ərəfəsində “Bölüşək, sevindirək!” adlı növbəti xeyriyyə təşəbbüsünü həyata keçiriblər Dünya Azərbaycanlılarının Həmrəyliyi Günü və Yeni il münasibətilə “Azercell Könüllüləri” ənənəvi xeyriyyə aksiyası keçirib. “Bölüşək, sevindirək!” şüarı ilə təşkil olunan bu kampaniya çərçivəsində Könüllülər İkinci Vətən müharibəsinin şəhid və qazi ailələrinin, eləcə də aztəminatlı ailələrin uşaqlarını ziyarət edib və onlara bayram hədiyyələri təqdim ediblər. Ümumilikdə 200-dən çox uşağa bayram hədiyyələri çatdırılıb.
Rəy yaz