Məhkəmə Azərbaycan Xalq Cəbhəsi Partiyası fəalının müraciətinə baxılmasını yenidən təxirə salıb
Bakı/16.07.21/Turan: Bu gün Bakının Xəzər Rayon Məhkəməsi Azərbaycan Xalq Cəbhəsi Partiyasının üzvü Aqil Məhərrəmlinin cəza müddətinin üçdə iki hissəsini çəkməsilə əlaqədar cəzasının yüngülləşdirilməsilə bağlı müraciətinə onlayn rejimdə baxıb.
Vəkil Aqıl Lahıcovun Turan- verdiyi məlumata görə, müdafiə tərəfi alternativ cəza növlərinin təyin edilməsi -ya qalan real müddətin şərti cəza ilə dəyişdirilməsi, ya da Məhərrəmlinin məntəqə tipli cəzaçəkmə müəssisəsinə köçürülməsi məsələsini qaldıracaq.
Vəkil qeyd edib ki, məhkəmə qərar qəbul edilməsini uzadır və bunu bir neçə dəfə təxirə salır.
Bu gün məhkəmə dinləmələri iyulun 23-nə keçirməyi qərara alıb.
Məhərrəmli artıq cəza müddətinin dörddə üç hissəsini çəkib.
Xatırladaq ki, Məhərrəmli 2018-ci ilin mayında "Azərbaycan Xalq Cəbhəsi Partiyasının qanunsuz maliyyələşdirilməsi" ilə bağlı iş üzrə həbs edilib. 4 il həbs cəzası alıb. Mayın sonunda onun üç ili tamam olub. Qanunvericiliyə əsasən şərti olaraq vaxtından əvvəl azadlığa buraxılmaq hüququna malikdir. –06D-
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz