Мустафа Гаджибейли
Bakı/26.11.18/Turan: Noyabrın 26-da Səbail rayon məhkəməsində bastainfo.com saytının bloklanmasından verilmiş şikayət üzrə hazırlıq iclası keçirilib.
Saytın baş redaktoru Mustafa Hacıbəyli Turan-a bildirib ki, redaksiya sayta girişin bloklanmasının qaldırılması məsələsini qaldırıb. Bundan başqa, şikayətdə Hacıbəylinin özünə qarşı CM-in 313-cü (vəzifə saxtakarlığı, informasiya resursunda qəsdən yalan məlumat yayma) maddəsi ilə açılmış cinayət işinə xitam verilməsi xahişi yer alır.
İddia icraata qəbul edilib və mahiyyəti üzrə dinləmələr noyabrın 30-na təyin edilib.
Bir müddət əvvəl, Hacıbəylinin sözlərinə görə, 1 saylı Bakı İnzibati-İqtisad Məhkəməsinə də bənzər iddia verilib, amma şikayət qəbul edilməyib, Apellyasiya Məhkəməsi isə qərarı qüvvədə saxlayıb. Buna görə redaksiya ümumi yurisdiksiyalı məhkəməyə müraciət edib.
Xatırladaq ki, iyulun 9-da Hacıbəyliyə cinayət işi üzrə şahid qismində cəlb edildiyi bildirilib. Elə həmin gün Baş Prokurorluq Gəncənin icra başçısı Elmar Vəliyevə qarşı sui-qəsdlə bağlı internet-resurslarda "yalan məlumat" və "qanunsuz çağırışlar" yayılması faktı üzrə cinayət işi açıb.
Bununla əlaqədar prokurorluq bastainfo.com, criminalaz.com, topxeber.az və fia.az saytlarının bloklanması üçün Rabitə Nazirliyinə müraciət edib. -06D-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz