Bəxtiyar Hacıyev
Bakı/08.02.23/Turan: Fevralın 8-də Bakı Apellyasiya Məhkəməsi ictimai fəal Bəxtiyar Hacıyevin ev dustaqlığına keçirilməsindən imtina ilə bağlı şikayətini təmin etməyib.
Vəkil Zibeydə Sadıqova Turan-a bildirib ki, prosesdə 31 gündür aclıq edən Hacıyevin özü də iştirak edib.
“Onun səhhəti artıq yaxşı deyil. Dünən axşam halı pisləşib. Həkim dərman verməyib ki, mədəsində problem yarana bilər. Özü dedi ki, ancaq səhərə yaxın yuxuya gedib”, - vəkil bildirib.
Onun sözlərinə görə, Hacıyevə nə vəkilə, nə də ombudsmana zəng etməyə icazə verməyiblər.
O həmçinin bildirib ki, Hacıyev məhkəməyə vəsatət və ombudsmana müraciət hazırlayıb, lakin İstintaq Təcridxanasında bu qeydləri ondan alıblar.
*Dekabrın 9-da Bəxtiyar Hacıyev xuliqanlıq və məhkəməyə hörmətsizlik ittihamı ilə saxlanılıb. Həmin gün Xətai Rayon Məhkəməsi onu 1 ay 20 gün müddətinə həbs edib.
Dekabrın 15-də Hacıyev azadlığa buraxılması tələbilə aclıq elan edib. Dekabrın 28-də ictimaiyyətin və ailə üzvlərinin təkidli çağırışlarından sonra aclığı dayandırıb. Lakin yanvarın 9-da Apellyasiya Məhkəməsi onu azad etməkdən imtina etdikdən sonra yenidən aclığa başlayıb və indiyədək davam etdirir.
Yanvarın 21-də məhkəmə Bəxtiyar Hacıyevin həbs müddətini daha 1 ay uzadıb.-16B06-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz