Nikol Pashinyan
Paşinyan: “Ermənistan yolu açmağa hazırdır, dəhlizi yox”
Bakı/08.02.23/Turan: Ermənistan regionda kommunikasiyaların açılmasında hamıdan çox maraqlıdır. Azərbaycan və Türkiyənin bu yollara Ermənistan qədər ehtiyacı yoxdur, ona görə də onlar "bu yolların açılmasının qiymətini şişirtməyə çalışırlar". Bu barədə çərşənbə axşamı Ermənistanın baş naziri Nikol Paşinyan parlamentdə çıxış edərkən bildirib.
Onun sözlərinə görə, Ermənistanın Rusiya ilə yalnız bir quru əlaqəsi var – Yuxarı Lars, o da aradan qaldırılması mümkün olmayan problemlərlə. "Ona görə də regionda kommunikasiyaların açılması, əsasən Ermənistan-Azərbaycan dəmir və avtomobil yollarının açılması bizim Avrasiya İqtisadi Birliyi ilə, təkcə onunla da yox, əmtəə dövriyyəmizi əhəmiyyətli dərəcədə artıracaq,", - Paşinyan deyib.
"Biz daha çox maraqlıyıq, çünki 30 ildir blokadadayıq, heç birinin - nə Azərbaycanın, nə də Türkiyənin bu yollara Ermənistan qədər ehtiyacı yoxdur".
O, Zəngəzur dəhlizini nəzərdə tutaraq deyib ki, Türkiyə və Azərbaycan Ermənistanı "9 noyabr tarixli üçtərəfli bəyanatda yazılmayanları reallaşdırmağa" məcbur etmək istəyirlər.
Paşinyan bir daha təkrarlayıb ki, "Ermənistan qanunvericiliyi çərçivəsində" yolu açmağa hazırdır, lap elə sabahdan. 02D
Siyasət
-
TURANın Vaşinqton müxbiri xəbər verir ki, ABŞ dövlət katibi Antoni Blniken BMT-nin mənzil-qərargahından bir neçə məhəllə aralıda yerləşən Lotte New York Palace otelində Azərbaycan və Ermənistan xarici işlər nazirlərini qəbul edir.
-
Sentyabrın 26-sı saat 16:10 radələrində Ermənistan silahlı qüvvələrinin bölmələri Gorus rayonunun Ərəvus yaşayış məntəqəsi istiqamətində yerləşən mövqelərindən Azərbaycan Ordusunun Naxçıvan Muxtar Respublikasının Culfa rayonunun Ləkətağ yaşayış məntəqəsi
-
Bu gün Bakı Ağır Cinayətlər Məhkəməsində iflic fəal Famil Xəlilovun işi üzrə proses davam edib.
-
Azərbaycan Prezidenti İlham Əliyevin 27 yaşlı oğlu Heydər Əliyev, sentyabrın 26-da ilk dəfə yüksək səviyyəli iqtisadi məsələlər üzrə müşavirədə iştirak edərək, əhəmiyyətli bir ictimai görünüş nümayiş etdirdi. Anası, Birinci vitse-prezident Mehriban Əliyevanın yanında oturan Heydər Əliyevin müşavirəyə qatılması onun dövlət işlərində artan iştirakına dair suallar doğurdu.
Rəy yaz