Bəxtiyar Hacıyev
Bakı/07.02.23/Turan: İctimai fəal Bəxtiyar Hacıyev 30 gündür 1 saylı Bakı İstintaq Təcridxanasında azad edilməsi tələbi ilə aclığı davam etdirir.
Çərşənbə günü vəkil Zibeydə Sadıqova ona baş çəkib. Onun sözlərinə görə, fəalın vəziyyəti ağır olaraq qalır. O, daha da arıqlayıb, təzyiqi aşağıdır, qanda şəkər səviyyəsi kritik həddə yaxındır, tez-tez huşunu itirir, deyə vəkil Turan Agentliyinə bildirib.
Vəkil qeyd edib ki, MRT və KT müayinəsinin təmin edilməsi, daha sonra isə Hacıyevin xəstəxanaya yerləşdirilməsi üçün iki dəfə Penitensiar Xidmətə və Ədliyyə Nazirliyinin Baş Tibb İdarəsinə müraciət edib. Cavab almayan vəkil bu idarələrdən şikayətlə və uzunmüddətli aclıq nəticəsində səhhətinin ağır olması ilə əlaqədar Hacıyevin xəstəxanaya yerləşdirilməsinin təmin edilməsi haqqında vəsatətlə məhkəməyə müraciət edib.
Vəsatətə fevralın 9-da Bakının Sabunçu Rayon Məhkəməsində baxılacaq.
Vəkilin sözlərinə görə, Hacıyev Türkiyədə zəlzələ nəticəsində insanların həlak olması ilə əlaqədar başsağlığı verib və dostlarından, tanışlarından, ictimai fəallardan zərərçəkmişlərə yardım üçün səylərini əsirgəməməyi xahiş edib.
* Bəxtiyar Hacıyev dekabrın 9-da xuliqanlıq və məhkəməyə qarşı hörmətsizlik ittihamı ilə saxlanılıb. Elə həmin gün Xətai Rayon Məhkəməsi onu 1 ay 20 gün müddətinə həbs edib.
Dekabrın 15-də Hacıyev azad edilməsi tələbi ilə aclıq elan edib. İctimaiyyət nümayəndələrinin və ailə üzvlərinin israrlı çağırışlarından sonra o, dekabrın 28-də aclığı dayandırıb. Amma yanvarın 9-da Apellyasiya Məhkəməsi onu azad etməkdən imtina etdikdən sonra aclığı bərpa edib və indiyədək davam etdirir. Yanvarın 21-də məhkəmə Hacıyevin həbs müddətini 1 ay uzadıb.
Bu gün onun aclığa başlamasının 30-cü günüdür. 03B06
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz