Bakı/05.09.19/Turan: Bazar ertəsi Bakı Ağır Cinayətlər Məhkəməsində "Azərbaycan Beynəlxalq Bankı" ASC-nin keçmiş sədri Cahangir Hacıyevin, eks-deputat Dünyamin Xəlilovun və digər 19 təqsirləndirilən şəxsin işi üzrə prosesdə hökm oxunub.
Məhkəmə Hacıyevə əvvəlki 15 illik həbs cəzasını nəzərə almaqla, ümumilikdə 16,5 il azadlıqdan məhrumetmə cəzası verib. Xəlilovun da əvvəlki müddətinə 1,5 il əlavə edilib və ümumilikdə 14,5 il azadlıqdan məhrumetmə cəzası verilib.
Məhkəmə müddətin keçməsi ilə əlaqədar Hacıyevə qarşı 309.2-ci (vəzifə səlahiyyətlərini aşma) və 313-cü (vəzifə saxtakarlığı) maddələri ilə ittihamları ləğv edib və 179.3.2 (mənimsəmə və israf) və 213-cü (vergi ödənişindən yayınma) maddələri ilə ittihamları qüvvədə saxlayıb.
Hacıyevin bacanağı İsmayıl Hidayətzadə əvvəlki cəzası nəzərə alınmaqla, 5,5 il müddətinə azadlıqdan məhrum edilib.
İşin digər fiqurantlarına şərti cəza verilib.
Hacıyev və Xəlilov ittihamları təkzib ediblər və kreditlərin dövlət layihələrinə yönləndirildiyini bəyan ediblər.
* Hacıyev 2015-ci il dekabrın 5-də həbs edilib, Bakı Ağır Cinayətlər Məhkəməsi onu 15 il azadlıqdan məhrumetmə cəzasına məhkum edib. O və digər yeddi nəfər sui-istifadə, fırıldaqçılıq (böyük ziyan vurduqda), mənimsəmə və israf, vəzifə səlahiyyətlərini aşma, rüşvət vermə maddələri ilə təqsirli bilinib.
2018-ci il dekabrın sonlarında Baş Prokurorluq yeni iş üzrə Hacıyevə qarşı böyük məbləğdə pulun mənimsənilməsi, cinayət yolu ilə əldə edilmiş vəsaitin leqallaşdırılması, vergi ödənişindən yayınma və digər maddələr üzrə ittihamlar irəli sürüldüyünü bildirib.
O, ümumilikdə 3,4 milyard dollar və 987 milyon avro məbləğində real dəyəri olmayan veksellərin alışı/satışı haqqında sövdələşmə həyata keçirməkdə ittiham olunur. Hacıyev və Xəlilov ittihamları təkzib ediblər. -16C06-
Cəmiyyət
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
Rəy yaz