Bakı/05.09.19/Turan: Avropa İnsan Hüquqları Məhkəməsi Azərbaycandan 13 siyasi və ictimai fəalla bağlı 15 şikayət üzrə qərarlarını elan edib. Şikayətlər 2006-2015-ci illərdə dinc etiraz aksiyalarında iştirak görə verilmiş inzibati həbslər və cərimələrlə bağlı idi.
Ərizəçilər işgəncələrin yolverilməzliyi, azadlıq və şəxsi toxunulmazlıq, ədalətli məhkəmə təhqiqatı, ifadə azadlığı, birləşmə azadlığı və s. hüquqlarının pozulması məsələsini qaldırıblar.
AİHM ərizəçilərin hüquqlarının pozulduğunu etiraf edib və: Elçin Həsənova (iki iş üzrə), Nazim Abbaslıya 9 min avro, Ruslan Nəsirliyə (iki iş üzrə) 14 min avro, Vüqar Rzayevə 7270 avro, İslam Həsənova 5750 avro, Mübariz Əbdülkərimova 5750 avro, Rauf Əbdülrəhmanlıya 5500 avro, Rafiq Cəlilova 9200 avro, Türkel Əlisoya 11 min avro, Saqif Qurbanova 11 min avro təzminat ödənilməsi barədə qərar qəbul edib.
Yalnız Fuad Hacıyev üçün təzminat müəyyən edilməyib, belə ki, o özü maddi tələb irəli sürməmişdi.
AİHM həmçinin məhkəmə xərclərinin ödənilməsi üçün kompensasiyalar müəyyən edib. -06D-
Siyasət
-
2025-ci il fevralın 15-də və 18-də Day.az saytında Turan İnformasiya Agentliyinin fəaliyyəti ilə bağlı böhtan xarakterli iddialar irəli sürülən məqalələr dərc edilib. Bu materiallarda müəllif agentliyi Qərb maliyyəsindən asılı və xarici strukturların maraqlarına tabe olan bir qurum kimi təqdim etməyə cəhd edir.
-
Moldova Xarici İşlər Nazirliyi mədəniyyət mərkəzlərinin yaradılması və fəaliyyət göstərməsi ilə bağlı 1998-ci il tarixli Moldova-Rusiya sazişinə birtərəfli qaydada xitam verilməsi barədə qərar qəbul edib.
-
Dövlət başçısının sərəncamı ilə Rüfət Mahmud “İçərişəhər” Dövlət Tarix-Memarlıq Qoruğu İdarə Heyətinin sədri təyin edilib.
-
Fevralın 13-də Apellyasiya Məhkəməsi jurnalist Şahnaz Bəylərqızının həbsilə bağlı Xətai Rayon Məhkəməsinin qərarından müdafiə tərəfinin şikayətini təmin etməyib.
Rəy yaz