Bakı/31.03.20/Turan: Martın 31-də Sumqayıt Şəhər Məhkəməsi "Sumqayıt Gənclərinin Hüquqi Maarifləndirilməsi" QHT-nin rəhbəri Elçin Məmmədi 3 ay müddətinə həbs edib. Bu barədə 177.2.4-cü (oğurluq, külli miqdarda ziyan vurmaqla törədildikdə) maddə ilə ittiham olunan Məmmədin yaxınları bildiriblər. Müdafiə tərəfi məhkəmə qərarından apellyasiya şikayəti verib. -06D-
* * *
2020 Mart 31 (Çərşənbə axşamı) 15:03:08
Hüquq müdafiəçisi şübhəli şəhs kimi saxlanıldı (YENİLƏNİB)
Bakı/30.03.20/Turan: Hüquq müdafiəçisi Elçin Məmməd saxlanılıb və onun barəsində tutma protokolu tərtib olunub.
Bu barədə məlumat verən Məmmədin ailə üzvlərinin sözlərinə görə, Məmməd Cinayət Məcəlləsinin 177.2.4-cü maddəsi ilə şübhəli şəhs qismində saxlanılıb. "Tutma protokolu tərtib olunub və Elçin bəy hazırda Sumqayıt şəhər Polis İdarəsində saxlanılır".
Məmmədin yaxınları əlavə edib ki, onun rəhbərlik etdiyi "Sumqayıt Gənclərinin Hüquqi Maarifləndirilməsi" adlı təşkilatın ofisində axtarış aparılıb. "Məhkəmənin qərarı əsasında ofisdə axtarış aparılıb. Cinayət işində adı keçən zinət əşyaları ofisdən çıxıb. Üstəlik də doqquz ədəd patron aşkar olunub. Elçin Məmməd evə zəng vuranda özü bu əşyaların ora kiminsə tərəfindən qoyulduğunu vurğulayıb və onun tərəfindən ora qoyulmadığını bildirib".
Vəkil Fariz Namazlı Elçin Məmmədin barəsində tutma protokolun tərtib edilməsini təsdiq etdi və araşdırma aparıldığını bildirdi.
Bir neçə gün bundan əvvəl Sumqayıt sakini Aysel Mustafayeva Elçin Məmməddən polisə şikayət verib. O bildirib ki, Məmməd onun çantasından 7500 manatlıq zinət əşyası oğurlayıb. Hüquq müdafiəçisi bunu cəfəngiyyat adlandırıb.--0--
* * *
2020 Mart 30 (Bazar ertəsi) 19:20:29
Fəal və jurnalist Elçin Məmməd saxlanılıb
Bakı/30.03.20/Turan: "Sumqayıt Gənclərinin Hüquqi Maarifləndirilməsi" QHT-nin rəhbəri və "Yüksəliş naminə" saytının baş redaktoru Elçin Məmməd saxlanılıb.
Bu gün səhər polis onu Sumqayıtdakı evindən aparıb. Elçin Məmmədə qarşı 177.4.2-ci (oğurluq, külli miqdarda ziyan vurmaqla törədildikdə) maddə ilə cinayət işi açılıb, fəal bu barədə Turan-a məlumat verib.
Bundan əvvəl o, artıq başqa bir jurnalistə qarşı yalançı şahidlik etmiş bir Sumqayıt sakininin ona qarşı şikayət verdiyini bildirib.
"Sumqayıt sakini Aysel Mustafayeva onun xeyrinə məhkəmə qərarının icra edilməməsi ilə bağlı hüquqi yardım göstərilməsi xahişi ilə mənə müraciət edib. Daha sonra o, məndən şikayət verib, guya onun çantasından 7500 manatlıq zinət əşyası oğurlamışam. Bu, tamamilə cəfəngiyyatdır. Bu qadın artıq criminal.az saytının redaktoru Anar Məmmədova qarşı yalançı şahidlik edib", deyə Məmməd Turan-a bildirib.
Jurnalist ona qarşı araşdırmanı Azərbaycanda insan hüquqlarının vəziyyəti haqqında martın 24-də "Yüksəliş naminə" saytında dərc edilmiş hesabatla əlaqələndirib. -06D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz