![Məhkəmə Elina Hacıyevanın ölümü haqqında iş üzrə təkrar istintaqdan imtina edib](https://turan.az/resized/media/2019/main/122000023852-750-500-resize.webp)
Məhkəmə Elina Hacıyevanın ölümü haqqında iş üzrə təkrar istintaqdan imtina edib
Bakı/20.12.19/Turan: Dekabrın 20-də Bakı Apellyasiya Məhkəməsində (BAM) Kamran Əkbərovun sədrliyi ilə Bakının 162 nömrəli məktəbinin 8-ci sinif şagirdi Elina Hacıyevanın ölümü haqqında iş üzrə hazırlıq iclası keçirilib.
Mərhumun ailəsinin vəkilləri şikayətə təkrar məhkəmə istintaqı ilə baxılması haqqında vəsatət qaldırıblar. Amma məhkəmə vəsatəti təmin etməyib. Mahiyyəti üzrə dinləmələr 2020-ci il yanvarın 8-nə təyin edilib.
* 2019-cu il aprelin 4-də 162 nömrəli məktəbin şagirdi, 2004-cü il təvəllüdlü Elina Hacıyeva məktəbin üçüncü mərtəbəsindən özünü atıb. Faktla bağlı Bakı şəhər Prokurorluğunda CM-in 125-ci (özünü öldürmə həddinə çatdırma) maddəsi ilə cinayət işi açılıb.
Sonradan məktəbin direktoru Abbasova iş üzrə məsuliyyətə cəlb edilib. Ona qarşı CM-in 143 və 314.2-ci maddələri ilə ittiham irəli sürülüb. Amma 125-ci maddə ilə heç kim məsuliyyətə cəlb edilməyib.
Oktyabrın 24-də məhkəmə Abbasovanı təqsirli bilib və 2 il 2 ay 14 gün azadlığın məhdudlaşdırılması cəzasına məhkum edib. Onun Bakı şəhərini tərk etməsi və yaşayış yerini dəyişdirməsi qadağan edilib.
Bundan başqa, məhkəmə Abbasovaya qarşı mülki iddianı qismən təmin edərək, onun üzərinə zərərçəkmiş tərəfə vəkil xidməti haqqının ödənilməsi üçün 8500 manat və mənəvi ziyana görə 10 min manat ödəmək öhdəliyi qoyub.
Təhsil Nazirliyinə qarşı 100 min manat ölçüsündə iddia təmin edilməyib. Zərərçəkmiş tərəf hökmü ədalətsiz və azadlıqda qalan məktəb direktoru barəsində həddindən artıq yüngül hesab edib. -30С-
-
- İqtisadiyyat
- 20 Dekabr 2019 12:32
-
- Cəmiyyət
- 20 Dekabr 2019 12:58
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz