Bakı/02.10.18/Turan: Məhkəmə Maliyyə Nazirliyinin "Müasir Dünya" İqtisadi Maarifləndirmə İctimai Birliyinə qarşı iddiasını təmin etməyib. Bu barədə Turan-a məhkəmədə həmin QHT-nin hüquqi nümayəndəsi olan hüquqşünas Elçin Məmməd bildirib.
Onun sözlərinə görə, Maliyyə Nazirliyi belə hesab edib ki, QHT 2017-ci il üçün maliyyə hesabatını təqdim etməyib və bununla da İnzibati Xətalar Məcəlləsinin 462-ci maddəsini pozub ki, bu da böyük məbləğdə pul cəriməsini nəzərdə tutur.
Lakin Sumqayıt Şəhər Məhkməsinin hakimi Fikrət Əliyev QHT-nin xeyrinə qərar çıxararaq müəyyən edib ki, QHT-nin hərəkətlərində inzibati xəta tərkibi yoxdur. Belə ki, QHT hesabat dövründə fəaliyyət göstərmədiyi barədə vergi orqanını rəsmən xəbərdar edib.
E.Məmmədin sözlərinə görə, Maliyyə Nazirliyi analoji yolla "Xatun" Qadınlara Yardım Birliyindən də cərimə tutmağa nail olub.-06C--
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz