Bakı/16.07.21/Turan: Bu gün Bakı Hərbi Məhkəməsində hakim Həbib Həsənovun sədrliyilə keçmiş korpus komandiri, general-leytenant Rövşən Əkbərovun işi üzrə hazırlıq iclası keçirilib.
O 2001-ci ildə Kiyevdə biznesmen Elçin Əliyevin qəsdən qətlə yetirilməsində ittiham olunur.
Hazırlıq iclasında vəkillər bəzi şahidlərin, o cümlədən Diasporla İş üzrə Dövlət Komitəsinin keçmiş rəhbəri Nazim İbrahimovun ifadələrinin iş materiallarından çıxarılması barədə vəsatət qaldırıblar.
Əkbərovun müdafiəsinin iddiasına görə, onlar istintaqın əvvəlində bildiriblər ki, qətli kimin törətdiyini görməyiblər, ötən il isə Əkbərovu göstəriblər.
Müdafiə tərəfi qətimkan tədbirinin ev dustaqlığı ilə dəyişdirilməsi barədə vəsatət qaldırıb.
Öz növbəsində zərərçəkmişin hüquqi varisinin nümayəndəsi Elçin Əsədov Əkbərova qarşı 1 milyon 220 min manat məbləğində mülki iddia irəli sürüb.
Məhkəmə müdafiə tərəfinin vəsatətini təmin etməyib, zərərçəkmişin nümayəndəsinin iddiası isə icraata qəbul edilib.
Məhkəmə dinləmələri iyulun 30-na təyin edilib.
*2001-ci il mayın 31-dən iyunun 1-nə keçən gecə Kiyevdə biznesmen Elçin Əliyev bıçaqla qətlə yetirilib. Şahidlərdən biri və mərhumun anası birbaşa qatilin Rövşən Əkbərov olduğunu deyib.
O zaman bu hadisə ört-basdır edilib. Ola bilsin ki, 1994-cü və 1995-ci illərdə Bakıda və Gəncədə hökumət əleyhinə çıxışların qarşısının alınmasında Əkbərovun xidmətlərini nəzərə alıblar. Buna görə ona Milli Qəhrəman adı verilmişdi.
55 yaşlı Rövşən Əkbərov ordu korpusunun komandiri olub, Birinci Qarabağ Müharibəsində iştirak edib.
O, ötən il 44 günlük müharibədən kənarlaşdırılıb.
Şayiələrə görə, general bundan çox narazı qalıb və hakimiyyətdən izahat tələb edib.--16d-
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz