Məhkəmə Rüfət Muradlının həbsindən şikayəti təmin etməyib
Bakı/07.12.23/Turan: Dekabrın 7-də Bakı Apellyasiya Məhkəməsi Kanal-13 İnternet televiziyasının aparıcısı Rüfət Muradlının 30 sutka inzibati həbsindən şikayəti təmin etməyib. Bu barədə Turan-a vəkil Nazim Musayev bildirib.
O, Muradlının həbsi üçün əsasın olmadığını bildirib. "İnzibati xətanın törədilməsinə dair polis protokolundan başqa heç bir dəlil yoxdur. Orada yazılıb ki, Muradlı "nalayiq sözlər söyləyib", "polisə tabe olmamaq" barədə isə heç nə yoxdur.
Xətai məhkəməsi istintaq aparmadan onu 30 sutka həbs edib", - vəkil deyib.
Apellyasiya Məhkəməsinin hakimi Fərid Eyyubov müdafiə tərəfin vəsatətlərinin heç birini, o cümlədən jurnalistlərin zala buraxılması barədə vəsatəti təmin etmədən həbs qərarını qüvvədə saxlayıb.
* Rüfət Muradlı dekabrın 2-də 30 sutkalığa həbs edilib. Məhkəmə onu İnzibati Xətalar Məcəlləsinin 510-cu (xırda xuliqanlıq) və 535.1-ci (polisə tabe olmamaq) maddələrilə təqsirli bilib.
"Sərhədsiz reportyorlar" və Jurnalistləri Müdafiə Komitəsi jurnalistin həbsini pisləyib və onu azad etməyə çağırıb. –21B06-
Cəmiyyət
-
Prezident İlham Əliyev 2025-ci ili "Konstitusiya və Suverenlik İli" elan etdi. Dövlət başçısının imzaladığı sərəncamda bu, 2025-ci ildə ölkə Konstitusiyasının qəbul edilməsinin 30-cu və Vətən (İkinci Qarabağ) müharibəsində qələbənin beşinci ildönümü ilə əsaslandırılır. Bəzi ekspertlər düşünür ki, bu il Konstitusiyaya növbəti dəyişiklikləri də gözləmək olar.
-
Azərbaycan Hava Yollarına (AZAL) məxsus Embraer 190/195 təyyarəsi Bakı-Kazan marşrutu üzrə uçuş zamanı, yanvarın 1-də Astrakhan üzərində radio maneələr və GPRS pozuntuları ilə üzləşib. Bu barədə Turan aviasiya sahəsindəki mənbəyə istinadən məlumat yayıb. Təyyarənin aviyonikası yalnız Astrakhan hava məkanını tərk etdikdən sonra normal fəaliyyətini bərpa edib.
-
Dövlət qurumlarının müraciətləri əsasında Tarif (Qiymət) Şurası son iclasında bir sıra sahələrdə qiymət artımına qərar verib. Yanvarın 2-də açıqlanan bəyanata əsasən, ilk dəfə olaraq su təchizatı və tullantı sularının axıdılması sistemlərinə qoşulma üçün tariflər təsdiqlənib. İndiyə qədər bu xidmətlər dövlət tənzimlənməsi olmadan, müxtəlif məbləğlərlə həyata keçirilirdi. Təsdiq edilmiş tariflər:
-
Azərbaycan 2025-ci ili qədim ənənələrin və müasir bayramların rəngarəng qarışığı ilə qarşıladı. Bu tədbirlər xalqın zəngin mədəni irsini və gələcəyə yönəlmiş arzularını əks etdirdi. Geniş ailə süfrələrindən parlaq ictimai tədbirlərə qədər qeyd etmələr keçmişlə indinin unikal sintezini nümayiş etdirdi.
Rəy yaz