Bakı/25.09.19/Turan: Sentyabrın 25-də Ali Məhkəmə bəraət tələb edən Azərbaycan Xalq Cəbhəsi Partiyasının fəalları Aqil Məhərrəmov və Babək Həsənovun, həmçinin partiyanın keçmiş üzvü Saleh Rüstəmovun şikayətlərinə baxıb.
Ali Məhkəmə "ciddi jest" edərək S.Rüstəmovun həbs müddətini iki ay (7 il 3 aydan 7 il 1 ayadək) azaldıb.
A.Məhərrəmov və B.Həsənovun barəsində hökm dəyişməz qalıb.
Xatırladaq ki, fevralın 27-də S.Rüstəmov qanunsuz sahibkarlıq və qanunsuz əldə olunmuş gəlirlərin leqallaşması ittihamları ilə həbs edilib.
A.Məhərrəmov və B.Həsənov həmin ittihamlar üzrə üç il azadlıqdan məhrum olunublar.
Lakin AXCP hesab edir ki, əslində onları həbsdə olan fəalların ailələrinə maliyyə yardımı göstərdiklərinə görə tutublar. Hüquq müdafiəçiləri mühakimə olunanları siyasi məhbus kimi tanıyıblar. -30B06-
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz