Bakı/02.03.19/Turan: Bloger Mehman Hüseynov iki il həbs cəzasından sonra azadlığa çıxıb. O, 14 il öncə öz evinin yaxınlığında qətlə yetirilmiş jurnalist Elmar Hüseynovun anım tədbirinə gedib. Aksiyada jurnalistlər, ictimai-siyasi xadimlər iştirak ediblər.
M.Hüseynov xatırladıb ki, iki il öncə E.Hüseynovun məzarı önündə çıxışından sonra həbs olunub.
"Mən Elmar kimi azad jurnalistika yolunu davam etdirəcəyəm", - bloger vurğulayıb.
Turan agentliyinin direktoru Mehman Əliyev deyib ki, Elmarın ölümü azad jurnalistikanı susdurmağa yönəlmişdi. Ancaq bu məqsədə nail olunmadı, baxmayaraq ki, qətlin təşkilatçıları və icraçıları tapılmadı.
Milli Strateji Düşüncə Mərkəzinin rəhbəri İsa Qəmbər hesab edir ki, jurnalistin qətlinin açılmamasında hakimiyyət günahkardır.
Müsavat Partiyasının sədri Arif Hacılı media azadlığının məhdudlaşdırılmasına və siyasi motivli həbslərə görə hakimiyyətin siyasətini tənqid edib, bütün jurnalistlərin və blogerlərin azadlığa buraxılmasının vacibliyini qeyd edib.
*Elmar Hüseynov öz parlaq siyasi məzmunu ilə seçilən, siyasi sistemi, hakimiyyətin korrupsiyasını, insan hüquqlarının pozulmasını tənqid edən bir sıra media-layihələrin rəhbəri idi.
2005-ci il martın 2-də öz evinin girəcəyində güllələnib. 14 il keçməsinə baxmayaraq, qətlin sifarişçiləri və icraçıları hələ də tapılmayıb.
Azərbaycan hakimiyyəti qətldə şübhəli bilinənlərin adlarını açıqlasa da onların Gürcüstandan Azərbaycana gətirilməsilə bağlı heç bir tədbir həyata keçirilməyib.-06D--
* * *
2019 Mart 02 (Şəmbə) 13:08:41
Mehman Hüseynov azadlıqda
Bakı/02.03.19/Turan: Bloger Mehman Hüseynov iki il həbs cəzasından sonra martın 2-də azadlığa buraxılıb. O, koloniyadan çıxıb anasının məzarını, oradan isə jurnalist Elmar Hüseynovun məzarını ziyarətə gedib. Bu gün Elmar Hüseynovun ölümünün növbəti ildönümü qeyd olunur.-0-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz