Bakı/02.03.19/Turan: Gənc fəal Rafael Hüseynov yenidən inzibati qaydada 30 sutka həbs olunub. Bu barədə Turan-a onun atası Füzuli Hüseynov bildirib.
Onun sözlərinə görə, Mehdiabad qəsəbəsi polis bölməsində ona deyiblər ki, fevralın 28-də axşam onun oğlunu Abşeron Rayon Polis İdarəsinə aparıblar.
Həmin idarədə F.Hüseynova bildiriblər ki, oğlu inzibati qaydada 30 sutka həbs olunub. Lakin həbsin səbəbini açıqlamayıblar.
F.Hüseynov qeyd edib ki, Abşeron Rayon Polis İdarəsində cəza çəkmək üçün lazımi şərait yoxdur.
Onun sözlərinə görə, saxlama kameraları uzunmüddətli həbs üçün nəzərdə tutulmayıb.
"Mən özüm də Abşeron polisində saxlanılmışam. Orada şərait çox pisdir. Kameralar qızdırılmır, antisanitariya hökm sürür, qidalanma çox pisdir. Başa düşmürəm, inzibati qaydada həbs edilənlər üçün xüsusi məntəqənin olduğu halda niyə oğlumu Abşeron polisində saxlayırlar", - F.Hüseynov qeyd edib.
O deyib ki, oğlu fəal vətəndaş mövqeyi ilə əlaqədar uydurma ittihamlarla təqib olunur.
Qeyd edək ki, AXCP üzvü R.Hüseynov siyasi məhbusların azadlığa buraxılması tələbilə təkbaşına aksiyalar keçirməklə tanınır. Buna görə saxlanmalara, cərimə və həbslərə məruz qalıb.-06D--
* * *
2019 Mart 02 (Şəmbə) 13:29:12
Gənc fəal Rafael Hüseynov yenə saxlanılıb
Bakı/02.03.19/Turan: Gənc fəal Rafael Hüseynov inzibati həbsdən azad edildikdən 4 gün sonra yenidən saxlanılıb. Bu barədə Turan-a onun atası, AXCP fəalı Füzuli Hüseynov bildirib.
F.Hüseynovun sözlərinə görə, R.Hüseynov 30 sutkalıq inzibati həbsdən sonra fevralın 24-də azadlığa çıxıb.
Fevralın 28-də axşama yaxın üç nəfər mülki geyimli şəxs onun evinə gəlib. Onlardan biri özünü Mehdiabad qəsəbəsi polis bölməsinin əməliyyat müvəkkili kimi təqdim edib. Onlar deyiblər ki, Rafael ilə "söhbət etməlidirlər".
"Oğlum evdə yox idi. Bir saatdan sonra sonra Rafael gəldi və biləndə ki, onu axtarırlar, özü polisə getdi. Bu, axşam saat 20:00-a yaxın baş verib. O vaxtdan heç bir məlumat yoxdur. Dünən gözlədik ki, bəlkə qayıdar. Polis heç bir informasiya vermir", - fəalın atası deyib.
Xatırladaq ki, Rafael Hüseynov yanvarın 25-də siyasi məhbusların azadlığa buraxılması tələbilə təkbaşına etiraz aksiyası keçirdiyinə görə saxlanılmışdı.-06D--
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz