Мехман Гусейнов
Bakı/15.01.19/Turan: 1 saylı Bakı İstintaq Təcridxanasında saxlanılan bloger Mehman Hüseynova bu gün ailə üzvləri ilə görüşə icazə verilməyib. Bu barədə Turan-a onun qardaşı, siyasi mühacirətdə olan Emin Hüseynov bildirib.
Onun sözlərinə görə, atası özünü pis hiss etdiyinə görə görüşə qardaşının həyat yoldaşı Ofeliya Hüseynova gedib. Lakin ona görüş verməyərək deyiblər ki, görüş ancaq ataya veriləcək.
O.Hüseynova sənədlərini, o cümlədən blogerin qardaşı ilə nikah sənədini, M.Hüseynovun təcridxanadan onun telefon nömrəsinə zəng etməsinə dair sübutları təqdim etsə də görüş verilməyib. O.Hüseynovanın blogerə gətirdiyi geyim, süd və yoqurtu qəbul ediblər.
Qardaşının fikrincə, Mehmanı qəsdən təcrid edirlər, artıq 21-ci gündür davam etdiyi aclığı dayandırması üçün ona təzyiq göstərirlər.
"Eyni zamanda hakimiyyət Mehmanın aclığı davam etdirməsi haqda məlumatın qarşısını almağa və hamını inandırmağa çalışır ki, aclıq dayandırılıb", - E.Hüseynov bildirib.-06D-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz