Bakı/12.04.19/Turan: Ötən gecə bloger Mehman Hüseynov 7 illik qadağadan sonra ölkədən xaricə buraxılıb və Avropaya uçmağa müvəffəq olub. Bu barədə o, öz facebook səhifəsində yazıb.
"Nəhayət ki, girovluqdan azad oluna bildik. Baş Prokurorluq niyə, nəyə görə ölkədən çıxışıma qadağa qoymuşdu, o sualın cavabını hələ də tapmadıq. Amma problem ictimailəşəndən sonra öz həllini tapdı. 9 ildən sonra Hava limanın qapıları üzümə açıldı", deyə bloger yazır.
Səfərinə toxunan Hüseynov beynəlxalq təşkilatların nümayəndələri ilə görüşlər keçirəcəyini, bir sıra tədbirlərdə çıxış edəcəyini yazır.
Mehmanın sözlərinə görə, siyasi məhbuslar, vətəndaşların hüquq və azadlıqlarının pozulması məsələlərini qaldırmaq niyyətindədir.
"Amma, bir sirr açım sizə, səfərimin əsas məqsədlərindən biri də Avropanın dağılması, oradaki insanların acından qırılması, Almaniyada sosial vəziyyətin bərbad olduğunu, Avropadaki işsizlik, yoxsulluq olmasını çəkib görsətmək olacaq", deyə bloger AzTV-nin fərasətsiz verilişlərinə işarə ilə istehza edir.
* 2017-ci ildə Mehman Hüseynov uydurma polisə böhtan ittihamı ilə həbs edilib. Cəza müddətinin başa çatmasına iki ay qalmış onu cəzaçəkmə müəssisəsinin əməkdaşını döyməkdə ittiham ediblər. Etiraz əlaməti olaraq bloger quru aclıq elan edib.
Azərbaycanda onlarla fəal və ictimai xadim ona dəstək çıxıb, onların bir hissəsi həmrəylik əlaməti olaraq aclıq elan edib.
"Sərhədsiz reportyorlar" və PEN America hüquq müdafiə təşkilatları, habelə Amerikalı senator Marko Rubio blogerə qarşı ittihamları əsassız adlandırıblar və Hüseynovu azad etməyi tələb ediblər.
Bakıda Mehmanın və digər siyasi məhbusların azad edilməsi tələbi ilə çoxminlik mitinq keçirilib.
Beynəlxalq ictimaiyyətin təzyiqi ilə və ölkədə etirazların artması fonunda hakimiyyəti yeni cinayət işini ləğv edib və blogeri vaxtında azad edib.
O, yeni pasport alıb, amma bu həftə Bakı aeroportunda onu ölkədən buraxmayıblar, Baş Prokurorluğun qadağa tətbiq etdiyini bildiriblər. -02B-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz