Bakı/12.04.19/Turan: Reportyorların Azadlıq və Təhlükəsizlik İnstitutu (RATİ) Azərbaycanın anti-korrupsiya blogeri və RATİ-nin sədri, iki il saxta ittihamla ədalətsiz həbs cəzası çəkdikdən sonra 2019-cu ilin martında azadlığa çıxan Mehman Hüseynova davam edən hücumları pisləyir.
"Azərbaycan hakimiyyətinin xaricdə yüksək səviyyəli beynəlxalq tədbirlərdə iştirakına imkan verməmək üçün Mehman Hüseynovu indi də səfərlərinə qadağa tətbiq edərək, girov olaraq saxlamağa davam etməsi bizi sarsıdıb", deyə bəyanatda bildirilir.
RATİ Hüseynova qarşı təzyiqləri söz azadlığına hücum kimi qiymətləndirir.
RATİ həmçinin bir sıra digər jurnalist, hüquq müdafiəçisi və hətta yazıçıların səfərlərinə qadağadan istifadəni qətiyyətlə pisləyir. Onlar arasında Əsabəli Mustafayev, Ənnağı Hacıbəyli, Əkrəm Əylisli, Aytac Əhmədova, Anar Məmmədov, Aynurə Heydərova, Aytən Ələkbərova, Əziz Orucov, Babək Bəkir, Elnur Muxtar, Emin Aslan, Fatimə Mövlamlı, Xədicə İsmayılova, Rasim Qaraca, Mustafa Hacıbəyli, Tural Əsədov, İntiqam Əliyev, İzolda Ağayeva, Şahvələd Namazov, Natiq Cavadlı və Səlimə Cəlilova, Sevinc Abbasova var.
"Azərbaycanda jurnalistlərin siyasi motivli təqiblərinə dərhal son qoymağı və onların yerdəyişmə azadlığnı təmin etməyi tələb edirik", deyə bəyanatda qeyd edilir.
RATİ Azərbaycanı jurnalistlər Əfqan Muxarlı, Araz Quliyev, Elçin İsmayıllı, Seymur Həzi və Ziya Əsədlini, hər hansı əlavə məhdudiyyət tətbiq etmədən, dərhal və qeyd-şərtsiz azad etməyə çağırır.
RATİ beynəlxalq ictimaiyyəti dərhal bu jurnalistlərin və Azərbaycanda insan hüquqlarının müdafiəsi ilə məşğul olmağa çağırır. -0-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz