![M.Hüseynov. VOA](https://turan.az/resized/750/500/resize/media/2017/main/061600002392.jpg)
M.Hüseynov. VOA
Mehman Hüseynovun ağrıları artıb, əməliyyat olunmaq istəyir
Baku/16.06.17/Turan: "14 saylı Cəzaçəkmə Müəssisəsində saxlanan bloqqer Mehman Hüseynovun ağrıları artıb. Əməliyyat olunmaq istəyir".
İyunun 15-də cəzaçəkmə müəssisəsində bloqqerlə görüşən vəkili Elçin Sadıqov Azadlıq Radiosuna açıqlamasında belə deyib.
"Artıq ona şəxsiyyət vəsiqəsi də veriblər. Ümumi durumu normaldır. Əhvalı yaxşıdır, saxlanma şəraitindən şikayəti yoxdur. Ancaq son günlərdə ağrılarının artdığını deyir. Bunun üçün onun əməliyyat olunmasına ehtiyac var", deyən vəkil bloqqerin əməliyyat edilməsi üçün yenidən əlaqəli qurumlara müraciət edəcəyini bildirib.
E.Sadıqov Avaropa Şurasi Parlament Assambleyasının Azərbaycan səfər etmiş məruzəçilinin 14 saylı Cəzaçəkmə Müəssisəsində olduğunu da bildirib. Onun sözlərinə görə, həmməruzəçilər M.Hüseynovla da görüşüblər. Bloqqer onlara qanunsuz həbs olunmasından, problemlərindən danışıb.
Qeyd edək ki, venoz damarındakı ağrılardan əziyyət çəkən M.Hüseynov əməliyyat edilməsi üçün daha əvvəl müraciət etmişdi. Ancaq Ədliyyə Nazirliyinin tibb idarəsi əməliyyat edilməsinə zərurət olmadığını bildrimişdi.
Mehman Hüseynov 2017-ci il martın 3-də Suraxanı Rayon Məhkəməsinin qərarı ilə 2 il azadlıqdan məhrum edilib. Buna qədərisə onun yanvarın 9-da oğurlandığı güman edilirdi.
Yalnız yanvarın 10-da məhkəmə önünə çıxarkən onun Nəsimi Rayon Polis İdarəsinin 22 saylı Polis Bölməsində saxlandığı məlum olmuşdu. Nəsimi Rayon Məhkəməsinin qərarı ilə M. Hüseynov polisə tabe olmamaqda təqsirli bilinərək, 200 manat cərimə edilib.
Jurnalistlər önünə çıxan bloqqer polisdə saxlandığı müddətdə işgəncələrə məruz qaldığını söyləyib. Vəkili isə işgəncə şikayətinin araşdırılmasından ötrü Bakı Şəhər Prokurorluğuna müraciət etmişdi. Nəsimi Rayon Polis İdarəsinin rəisi Musa Musayev də M.Hüseynovun işgəncə ilə bağlı dediklərini polisə böhtan sayaraq, xüsusi ittiham qaydasında iddia qaldırıb. Həmin iddia əsasında M.Hüseynov 2 il azadlıqdan məhrum edilib.
Müdafiə tərəfi isə prokurorluğun işgəncə şikayəti ilə bağlı cinayət işi açmamasından məhkəməyə müraciət etmişdi. Səbail rayon və Bakı apellyasiya məhkəmələri də müdafiə tərəfinin istəyini geri çevirmişdi.
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz