Mətbuat-monitorinq 01.10.15
Rəsmi qəzetlər dövlət başçısı İlham Əliyevin qəbulları haqda xəbərləri, ölkənin prokurorluq sistemində çalışan bir qrup şəxsin təltif olunması, bir qrupa ali xüsusi rütbələr verilməsi haqda sərəncamların mətnlərini ilk səhifələrdə yerləşdiriblər.
“Azadlıq” qəzeti hakimiyyətin seçkilərə “qurbanlıq” kimi qatdığı “formal namizədlər”in iqtidara ultimatum verməyə hazırlaşdıqları iddiasını önə çəkib.
Seçkilərlə bağlı hakimiyyət namizədlərinin efirdən imtina etmələrini ekspertlər “YAP-ın xalqa deməyə sözü və üzü olmaması” kimi dəyərləndiriblər.
2 saylı həbsxanada dustaq olan Elçin Rzayev xəstəxanada dünyasını dəyişib, ölüm səbəbinin araşdırılması üçün meyit məhkəmə-tibb ekspertizasına təqdim edilib.
Hüquq-mühafizə orqanlarının “Azadlıq” radiosunun əməkdaşı İslam Şıxəlini təqib etməsinə cavab olaraq radio rəhbərliyi jurnalistin təqibinə son qoymaq bəyanatı yayıb.
“Razi Nurullayevin AXCP-si”ndə olan Mikayıl Quliyevin şərləməsi ilə AXCP sədrinin müavini Məmməd İbrahim həbs edilib, ona qarşı xuliqanlıq ittihamı ilə cinayət işi başlanıb.
Beynəlxalq bankdan kredit götürdüklərinə görə “bandodtel”də saxlanılan iş adamları girov qoymaları haqda sənədləri elə burada imzalayırlar.
Avqust ayında ölkədən ixrac əməliyyatı ən aşağı həddə düşüb və ekspertlər bu faktı “ölkədə həyata keçirilən iqtisadi siyasətin uğursuzluğu” kimi şərh ediblər.
Ekspertlər ölkə ciddi böhranla üz-üzə qaldığı indiki vaxtda İslam Həmrəylik Oyunları keçirilməsinə rəsmi Bakının razılıq verməsini əsassız sayır.
“Ekspress” qəzeti kənd təsərrüfatı torpaqlarından özbaşına istifadə edən vəzifəli şəxslərin həbs ediləcəklərilə bağlı xəbərdarlığı ön plana çıxarıb.
“Exo” qəzeti Azərbaycanda hər 100 min nəfərə 220 məhkum düşdüyünü, həbsdən çıxan məhkumların 60%-nin yenidən həbsxanalara düşdüyünü nəzərə çatdırır.
“Novoe Vremya” qəzeti Ermənistan dövlət başçısı Sarkisyanın BMT-də qəbul olunmasına “sən demə, Sarkisyan BMT-də vacib qonaq imiş” reaksiyasını ilk səhifəyə çıxarıb.
“Bizim yol” qəzeti parlamentdə diplomatlarla bağlı cəzaların əhatə dairəsinin genişləndirilməsilə bağlı qərar qəbul edilməsini ilk səhifəyə yerləşdirib.
“Yeni Müsavat ” qəzeti nazir Elmar Məmmədyarovun müavini Araz Əzimovla əvəzlənəcəyi iddiasını diqqət mərkəzinə çəkib.
Ölkənin tanınmış siyasi xadimi İsa Qəmbər rəsmi Bakının Azərbaycanı nə Rusiyaya, nə də Qərbə doğru apardığı, sürətlə uçuruma apardığı bəyanatı səsləndirib.
Ölkənin bank sistemindəki durumu təhlil edən ekspertlər ilin sonuna kimi bazarı tərk edən banklar olacağı xəbərdarlığı ediblər.
-
- Mədəniyyət
- 1 Oktyabr 2015 13:12
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz