Rəsmi qəzetlər dövlət başçısı İlham Əliyevin Fərəh Əliyevanın Mədəniyyət və İncəsənət Universiterinin rektoru təyin olunması, Elşad İsgəndərovun Dini Komitənin sədri vəzifəsindən azad edilməsi, Hüseyn Arifin 90 illik yubileyinin qeyd olunması sərəncamlarının mətnlərini ilk səhifələrə çıxarıblar.
“Azadlıq” qəzeti deputat Mehriban Əliyevanın atası Arif Paşayevin 5 milyard manatlıq biznesinə nəzarəti nəvələrinə, yəni, dövlət başçısı İlham Əliyevin qızları Leyla və Arzu Əliyevalara tapşırması xəbərini ilk səhifəyə çıxarıb.
Dini Qurumlarla İş üzrə Dövlət Komitəsinin sədri Elşad İsgəndərovun vəzifədən azad olunmasını diqqət çəkənə qəzetə görə bu, komitə sədrinin “nurçu”larla əlaqəli olması ilə bağlıdır.
Dövlət başçısının sərəncamı ilə Timurçin Əfəndiyev Mədəniyyət və İncəsənət Universitetinin rektoru vəzifəsindən azad edilib, bu vəzifəyə qocaman jurnalist və tədqiqatçı Şirməmməd Hüseynovun qızı Fərəh Əliyeva təyin olunub.
Tanınmış vəkil Fuad Ağayevin 3 ildən artıqdır ki, ofis kimi istifadə etdiyi mənzilə Mənzil İstismar İdarəsinin əməkdaşı gələrək oradakı fəaliyyətlə maraqlanıb.
Milli Şuranın sədri Cəmil Həsənli son vaxtlar bəzi ictimai qurumlara rəsmi basqıları və kütləvi həbsləri “iqtidarın nəzarətində olmayan təşkilat və şəxslərə total müharibə elan olunması” kimi dəyərləndirib.
“Ekspress” əsgəri xidmətə çağırılan çağırışçlardan 1711 nəfərində müxtəlif xəstəliklərin aşkarlandığı üçün geri çağırıldıqları xəbərini ön səhifəyə çəkib.
“Bizim yol”. Ölkədə iş adamları və rəsmi qurumların münasibətinə toxunan qəzet ekspertlərə istinadən iş adamlarından pul qoparmaq üçün rəsmi qurumların hər ay sahibkarın üstünə qanunsuz yoxlamalar məqsədilə 8 “papkalı” göndərdiyini nəzərə çatdırır.
“Yeni Müsavat” Azərbaycan və Rusiyanın enerji sistemlərini birləşdirmək niyyətini “rəsmi Bakının Kremllə anlaşması” sayaraq ilk səhifəyə çıxarıb və buna görə Qərblə Rusiya arasında “soyuq müharibə” görüntüsü yarandığını qeyd edir.
Qəzet son vaxtlar genişlənən represiyyalara etiraz olaraq müxalifət partiyalarının aksiyaya hazırlaşdıqlarını iddia edir.
Cəmiyyət
-
Bazar günü, yanvarın 12-də Bakıda və Abşeron yarımadasında havanın dəyişkən buludlu, arabir tutqun, əsasən yağmursuz olacağı gözlənilir.
-
Yanvarın 11-də Bakıda hava dəyişkən olacaq, yağıntı olmayacaq. Səhər Abşeronun bəzi yerlərində qısamüddətli yağış yağa bilər. Mülayim cənub-qərb küləyi əsəcək.
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
Rəy yaz