Azərbaycan Ümumdünya Mətbuat Azadlığı Gününü qeyd edir, həbsdə isə 11 jurnalist və bloger var
3 May Ümumdünya Mətbuat Azadlığı Günü kimi qeyd olunur. 1993-cü ildə BMT Baş Assambleyası 3 mayı Ümumdünya Mətbuat Azadlığı Günüelan edib ki, bu da YUNESKO baş konfransının işinin nəticəsidir. Belə ki, qurum 1991-ci il “Dünyada mətbuat azadlığının təminatına yardım haqqında”qətmanəsində bildirib ki, azad, plüralist və müstəqil mətbuat istənilən demokratik cəmiyyətin zəruri komponentidir.
Ümumdünya Mərbuat Azadlığı Günü hər il beynəlxalq birliyə xatırladır ki, mətbuat və ifadə azadlığı İnsan Hüquqları Bəyannaməsində əksini tapmış əsas hüquqlardır.
Ümumdünya Mərbuat Azadlığı Günü ərəfəsində Beynəlxalq Hüquqşünaslar Assosiasiyası İnsan Haqları İnstitutu
(IBAHRI- International Bar Association's Human Rights Institute) “Azərbaycan: ifadə azadlığı mühakimə olunur” adlı hesabat yayıb. Sənəddə ölkədə mətbuat və ifadə azadlığının vəziyyəti qiymətləndirilir.
Əsasən qeyd olunur ki, Azərbaycanda formal olaraq qeyri-dövlət telekanallarının olmasına baxmayaraq, onlar “hökumətin müdaxiləsinə məruz qalırlar, özünüsenzura tətbiq edirlər, siyasi mövzulardan qaçırlar”. Çap KİV-ə gəlincə, müxalifət və müstəqil nəşrlər ciddi maliyyə çətinlikləri ilə üzləşir, ümumu mediada onların xüsusi çəkisi 20 faizdən çox deyil.
Qlobal şəbəkə “alternativ fikir platformasına çevrilir”. Bununla yanaşı son vaxtlar müxalifət saytlarına hücum və sosial şəbəkə fəallarının həbsi ilə bağlı faktların sayı artıb.
Hesabat müəlliflərinin fikrincə, ifadə azadlığı üçün əsas təhlükə diffamasiyaya görə cinayət cəzası və jurnalistlərin uydurma ittihamlarla təqib olunmasıdır.
Azərbaycan həbsdə olan jurnalistlərin və blogerlərin sayına görə dünya üzrə “məhbus jurnalistlər” onluğuna daxildir. Belə ki, 2014-cü ilin əvvəlinə olan məlumata görə, Azərbaycan 11 jurnalist və bloger həbsdədir. Onlar ifadə azadlığına görə cəzalandırılblar.
Freedom House beynəlxalq hüquq-müdafiə təşkilatı dünyada mətbuat azadlığının vəziyyətinin reytinqini dərc edib. Azərbaycan 183-cü yerdədir.
Fevralda “Sərhədsiz reportyorlar” təşkilatı “2014-cü ildə dünyada mətbuat azadlığının indeksi” adlı illik hesabatını dərc edib. Azərbaycan 160-cı yerdədir.
Lakin ötən gün Prezident Administrasiyasının ictimai-siyasi şöbəsinin müdiri Əli Həsənov beynəlxalq tənqidləri rədd edərək bildirib ki, ölkədə söz və mətbuat azadlığı, plüralist media təmin olunub.06D—
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz