![Mətbuat-Monitorinq 07.06.13](https://turan.az/resized/750/500/resize/media/2013/main/060700039074.jpg)
Mətbuat-Monitorinq 07.06.13
Rəsmi və hökumətyönlü qəzetlər dövlət başçısı İlham Əliyevin qəbulları haqda xəbərləri ilk səhifələrə çıxarıblar.
Bundan əlavə, bu qəzetlərdə Milli Şura və 1992-93-cü illər AXC hakimiyyəti haqqında tənqid, böhtan və iftira ilə müşayət edilən yazılar dərc edilib.
“Azadlıq” qəzeti ğlkənin etiraz elektoratını öz ətrafında birləşdirməyi hədəf seçən Milli Şuranın bu gün təsis olunacağı xəbərini manjetə çıxarıb.
Dövlət başçısının facebook səhifəsi vasitəsilə müxtəlif rəsmilərin vətəndaşların suallarını cavablandıracağı elanına uyğun jurnalistlər İ.Əliyevə öncə ailə biznesi haqda suallar ünvanlayıblar.
Tanınmış ziyalı Rüstəm İbrahiməbyov rəsmi Bakının onu “Moskvanın adamı” adlandırmasına “Kremlin layihəsi İlham Əliyev hökumətidir və vaxtilə onun iqtidara gəlməsinə məhz Kreml kömək edib” cavabını verib.
Vətəndaş cəmiyyəti institutlarının təmsilçiləri vəkil Qurban Məmmədovun həbsinə “iqtidarın cəmiyyəti xofda saxlaması üçün ən cəsarətlilərin üstünə getməsi” şərhini veriblər.
Bu institutlar iqtidarın yürütdüyü siyasət nəticəsində “bir an içində bütün ölkənin Quba və İsmayıllıya dönəcəyi” barədə xəbərdarlı1 ediblər.
2010-cu ilin “Kür daşqınları” ilə bağlı problemləri hələ də həllini tapmayan 200 ailə nazir Kəmaləddin Heydərovu məhkəməyə verib.
“Zerkalo” Vaşinqtonun Kremli Qarabağ münaqişəsinin həllinə mane olmamaq çağırışını ilk səhifəyə çıxarıb.
“Ekspress” Qarabağın işğalı nəticəsində Azərbaycana 300 milyard dollar ziyanın dəydiyini deyən qaçqınkomun sədri Əli Həsənov buna görə Ermənistanı beynəlxalq məhkəməyə verəcəklərini bəyan edib.
“Novoe Vremya” AŞPA-nın Azərbaycan üzrə həmməruzəçilərinin iqtidarın maraqlarına xidmət etdiyini iddia edərək bu iddiaya “kürü diplomatiyasına-yox!” mövqeyini ifadə edir.
“Bizim yol” bu gün YAP-ın qurultay və Demokratik Qüvvələrin Milli Şurasının təsis konfransı keçirməsinə “iqtidar və müxalifət namizədini elan edir” mövqeyini sərgiləyib.
“Eurovision məhbusları”nın məhkəməsində işgəncə ifadələrilə bağlı məhkəmə prosesini qapalı keçirilməsi haqda qərarı qəzet “şok qərar” kimi dəyərləndirir.
Mayın 27-dən Türkiyədə keçirilən etiraz aksiyalarının tələblərinə baş nazir Ərdoğan əməl etməyəcəyi bəyanatını səsləndirib.
“Yeni Müsavat” ölkənin etiraz elektoratını öz ətrafında birləşdirməyi hədəf seçən Milli Şuranın bu gün təsis olunmasına “müxalifətin böyük bilriyi” mövqeyini ifadə edir. Bəyannamə yayan Milli Şura ölkədə avtoritarizmdən demokratiyaya dinc keçidi seçkilər vasitəsilə təmin etməyi prioritet olaraq qarşıya qoyub.
Azərbaycana münasibətdə separatçı “Sadval” təşkilatı iyunun 8-də azərbaycanlıların üstünlük təşkil etdiyi Dərbənd şəhərində mitinq keçirmək barədə vərəqələr yayır.
-
- İqtisadiyyat
- 7 İyun 2013 13:19
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz