![Eşton və Füle böhtana görə cəza nəzərdə tutan düzəlişlərin qəbulunu tənqid edir](https://turan.az/resized/750/500/resize/media/2013/main/060700039070.jpg)
Eşton və Füle böhtana görə cəza nəzərdə tutan düzəlişlərin qəbulunu tənqid edir
Aİ-nin xarici işlər və təhlükəsizlik məsələləri üzrə nümayəndəsi Ketrin Eştonun və Aİ-nin genişlənmə və qonşuluq siyasəti üzrə komissarı Ştefan Fülenin mətbuat katibləri birgə bəyanatla çıxış ediblər.
“Ali nümayəndə və komissar Cinayət Məcəlləsinə düzəlişlərin yekun təsdiqlənməsindən narahat olduqlarını bildiriblər. Bu düzəlişlər İnternetdə böhtan və təhqirə görə cinayət cəzasını nəzərdə tutur.
Aİ Azərbaycanda ifadə azadlığının məhdudlaşdırılmasından narahatdır. 2013-cü il Azərbaycan üçün seçki ilidir. Ölkə demokratik seçkilər üçün şəraitin yaxşılaşdırılması barədə öhdəlik götürüb. Demokratik rəqabət üçün açıq platformanın yaradılmasından ötrü zəminlərdən biri ictimai informasiyanın bütün formalarında söz azadlığıdır.
Aİ dəfələrlə qəti şəkildə bəyan edib ki, diffamasiya haqqında cinayət qanunverciliyi əks-məhsuldardır. Təcrübə göstərir kiŞ vətəndaş tədbirləri kifayət qədərdir və ədliyyənin ehtimal edilən böhtan və ya təhqir hallarında effektiv və şəffaf fəaliyyət göstərməsinə imkan verir. Belə yanaşma beynəlxalq standartlara uyğundur.
Ali nümayəndə və komissar Azərbaycan hakimiyyətini plüralist diskussiyalar və üzərinə götürdüyü öhdəliklərin yerinə yetirilməısi məqsədilə beynəlxalq biriiklə əməkdaşlıq üçün məkan yaratmağa çağırır. Aİ bu prosesdə Azərbaycana yardım etməyə hazır olduğunu bir daha bəyan edir”, - Aİ-nin Azərbaycandakı nümayəndəliyindən Turan-a daxil olan məlumada deyilir. -02D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz